Awa ta yuda pa perde peso: Awa ta mehora e metabolismo y ta mantene nos cu energia. Tambe e ta pone nos sinti yen y ta preveni e frecuente dolornan di stoma pa motibo di hamber.
Awa ta mehora e estado di animo y di energia: Hidratacion tin un efecto importante den nos nivelnan di energia, mehorando e circulación di sanger y transportando oxigeno y dioxido di carbono pa henter nos curpa.
Awa ta reduci e nivelnan di stress: entre 70% y 80% porciento di nos tehidonan celebral ta forma pa awa. Deshidratacion por haci cu tanto e mente como e curpa ta sinti nan cu stress.
Awa ta fortalece e masa muscular: Bebe awa ta yuda na preveni calambernan muscular y ta lubrica le articulacionnan/joints nan. Ora nos ta bon hidrata, nos por haci ehercicio durante mas tempo tambe.
Awa ta nutri nos cuero: un cuero of cutis hidrata ta mustra mas firme y ta ayuda evita e lashinan fini. Tambe e ta elimina e impurezanan y ta mehora e circulacion, haciendo asina cu e cueroy cutis ta briya.
Awa ta yuda cu digestion: Bebe suficiente awa ta preveni barica cera, pues e ta ayuda cu e salud di nos tripanan y ta yuda e intestinonan saca mas tanto fibra cu ta posibel for di nos cumindanan.
Awa ta promove e salud di nos riñonnan: deshidratacion ta aumenta e riesgo di piedra na riñon, cu ta forma ora cu e salo y e mineralnan di e orina ta ser converti den cristalnan solido. Awa ta yuda pa mengua y elimina e exceso di e salo y e mineralnan for di nos curpa.