Un pareha a bay landa na Eagle Beach, despues cu nan a sali for di lama nan a habri serbete riba e santo blanco, a hunta curpa cu crema pa proteha nan mes y despues e señora e drumi completo riba e serbete. Su casa si a keda sinta.
Despues di mei ora e señora a habri wowo y a gara su casa Ronnie sinta ketu bay y ta draai cabes mirando tur e damanan riba beach tumando solo y esnan den lama cu masha atencion.
"Kiko bo ta wak di e ora", e señora a puntra Ronnie, dicon bo no ta drumi tuma solo mescos cu mi?"
"Mi ta observando e situacion di tempo dushi, analisando e clima."
"Y kiko ta e pronostico di e tempo?", e señora a puntra
Ronnie a contesta; "Ta bay tin hopi solo e siguiente oranan y posibidad di hopi beyesa.”
E señora keda mira Ronnie rabia y a lanta cana bay den lama y despues di un rato a bin bek cu algo tras di su lomba y a bisa Ronnie;
"Y de bes encuando tambe lo tin yobida combina cu tormenta di santo", y a tira un cup yena cu awa cu y santo den cara di Ronnie.
Comments