Sopi Crema di Spinazie


Un dushi sopi crema di spinazie, ta un sopi hopi gusta. Mas ainda si spinazie ta un di bo berduranan preferi. Tin asina hopi manera pa prepara spinazie, pero awe nos ta presenta e receta di Sopi Crema di Spinazie. Un receta cu bo por hasi’e di bo y prepar’e cu bo ingredientenan preferi agrega na e base. Por ehempel reemplasa batata blanco pa batata dushi.

E ta baha bon merdia prome cu cuminda of atardi banda di 4’or ora cu bo haya un tiki hamber. No descarta tampoco cu bo por sirbi’e entre bo famia y amigonan pa un reunion ameno na cas y ricibi bo complimentnan.


Ta sirbi: 4 persona

Tempo di preparacion: 15 minuut

Caba di cushun’e den: 30 minuut

INGREDIENTenan

  • 2 cuchara chikito zeta di oleifi ( extra-virgin olive oil).

  • 1 siboyo corta chikito (opcional).

  • 2 tenchi conoflo machica (opcional).

  • 1 liber preferibel di Batata russet of esun di bo preferencia , pela y corta na bloki chikito di 1/2" (inch).

Batata Russets (Burbank) tambe yama batata Idaho ta grandi y oval c’un casca medio bruin scur, no liso y un tiki duro y ola aki aya.Esaki ta un batata specialmente pa machica. ...pa traha como mashed potatoes…

  • 1 lb. spinazie, corta su takinan afo

  • 4 c. (of 2 pints = 1 quart = 32 oz.) bouillon di galiña of vegetarian mushroom

  • Mita kool chines of e cantidad cu bo ta prefera

  • Salo Kosher of Himalayan na smaak

  • Black pepper na smaak, machica fresco

  • 1 cuchara chikito di Ketjap

  • Currie na smaak

  • Mushroom Seasoning na smaak

  • (solamente si bo ta sinti cu mester pone un tiki mas)

  • 1/2 cup heavy cream regular of crema di cream cheese vegetariano, y suficiente pa decora e sopi despues.


Pa CROUTONS

  • 3 tbsp. butter

  • 1 quart di pan corta na bloki chikito

  • Salo Kosher

Metodo:

Paso 1

Keinta e zeta den un weya riba candela mediano.

Agrega e siboyo (opcional) y cushin’e pa mas of menos 5 minuut, te ora cu e bira moli y transparente.

Drei e conoflo aden (opcional)

Den un panchi nos ta bay stoba e kool Chines (Chinese cabbage)

Despues pone e kool Chines den blender y lage blend te bira un papa y pone den e comchi separa.

Herbe den un weya un of 2 boshi grandi di spinazie ( corta e takinan/ stengelnan afo) of 3 te 4 paki frozen di Spinazie

Drei e rato rato, te ora cu e spinazie bira un berde briyan..mas of menos den 10 minuut. …pues NO LAG’E HERBE HOPI SI….


Saca e spinazie di weya pero laga e awa di e spinazie den e weya.

Pone e foyonan di Spinazie un banda pa blend despues cu e batata.

Herbe Batata den un weya grandi, te ora e bira moli 15 minuut

Machica e batata cu a herbe, tira dos cuchara di lechi en polvo (of lechi di bo preferencia sea Almond, Oat, Rice etc.,) den dje y bash’e den e weya cu e awa di spinazie, tira dos of tres cuchara di Mushroom seasoning of e bouillon di bo preferencia

Pone salo cu pepper na smaak

Paso 2

Pone dos cuchara grandi di ketjap, un cuchara di sucu bruin.

Un cuchara di currie, kisas despues mester pone un poco mas.

Prepara bo blender.

Basha e spinazi den blender te ora cu e bira suave.

Separ’e un rato den un comchi.

Awor ta keda blend loke tin den e weya cu e batata machica

Despues basha tambe e crema di e kool Chines den e weya

Y por ultimo e spinazie .

Tira aden tambe e heavy cream y sigui drei.

Paso 3

Lag’e herbe candela abao pa 15 pa 20 minuut y purba wak si mester mas Ketjap of Currie of un poco mas mushroom seasoning.

Bo sopi ta basicamente cla!

Traha CROUTONS

  • Den un panchi mediano riba candela mediano dirti e manteca.

  • Agrega e blokinan di pan y hasa nan.

  • Drei nan constantemente pa mas of menos 3 minuut,pa nan hasa tur banda te ora cu e pan bira un color di bruin oro.

  • Pone handtowel cla pa pone e blokinan di pan riba dje y mesora tira salo riba dje. (na smaak)

Paso 4

Ora bo ta bay sirbi bo sopi; decora bo Sopi Crema di Spinazie cu e heavy cream y su croutons nan.

Por sirbi’e cu: Pan Bati y Funchi ala Crioyo !


Bon Apetit !