E miho Pie di Pampuna cu Crema di Stem Ginger
Preparacion y con largo pa cushin’e
Preparacion: 35 minuut
Pa cushin’e: 50 minuut
plus pa e fria y chill pa 1 ora
E receta aki ta rekiri un tiki mas esfuerzo
8 – 10 persona
E receta clasico aki ta unico y lo ta e hi-lite di bo fiesta of bo “Showcase” despues di bo dinner na cas, bo huespednan lo keda encanta cune, ora bo sirbi’e cu crema di stem ginger y simiya di pampuna den stropi cristalisa.
Kiko ta stem Ginger?
Pa esunnan cu kier sa mas di algun ingrediente di e receta special aki;
Stem Ginger ta loke nos conoce tambe como Ginger fresco den stropi di sucu of preserva. E ta Ginger cu a ser cushina, pela y preserva den boter di glas.
E ta delicioso y ta ser uza como un ingrediente util den recetanan tanto dushi como pica y ta wanta den fridge pa un tempo largo.
Si bo ta desea di reemplasa Stem Ginger por uza tambe: Ground Gingr, Allspice, Cardamom, Cinnamon of Nutmeg. Pumpkin pie spice tambe ta un otro opcion pa considera.
Contrario con Ginger ta wordo yama sea flor, blachi of raiz e nomber scientifico ta: Stem Ginger
Total caloria 499
Vet 27 gram
Vet satura 14 gram
Carbs 55 gram
Sucu 40 gram
Fibra 2 gram
Proteina 8 gram
Salo 0.6 gram
Ingredientenan pa traha e reyeno (filling)
1 pampuna of Squash chikito di mas o menos 1 liber/500 gram; casca, cu e simiya saca afo, y corta na pidanan grandi
2 webo grandi (large)
170 gram di lechi evapora ( of esun di bo preferencia)
140 gram di sucu caster ( hopi fini)
2 cuchara grandi di ginger syrup (di e boter di stem ginger)
2 cuchara grandi di ground cinnamon
½ cuchara chikito di ground ginger
¼ (cuart) raspa un nutmeg hente
Un pinch di ground cloves (strooi un tiki)
2 cuchara chikito di vanilla extract of pasta di vanilla
Pa e crust of fondo di e pie.
50 gram di simiya seco di pampuna (“dried seeds” den paki)
300 gram di un paki di “ginger nut biscuits”
2 bala di stem ginger, corta nan medio chikito
85 gram di manteca, gesmelt
Pa e Simiya cristaliza (brittle) den sucu di e Pampuna
25 gram di simiya di pampuna (“dried seeds” di paki ta esun miho)
100 gram di sucu hopi fini “golden caster sugar”
Pa e cream di Stem Ginger
2 cuchara grandi di stropi di ginger - syrup (di e boter di stem ginger)
200 mili liter di "whipping or double cream"
Metodo
PASO 1
Cuminsa herbe e pampuna of squash . Keinta e oven na 180C/160C fan/gas 4.
Pone e pampuna den un baki di horna hundo. Agrega un splash di awa, no mas cu un par di cuchara gradni, y cubri e baki cu foil.
Traha un buraco chikito meymey di e foil.
Pone e baki den forno y lage pa 45 minuut, te ora e pampuna ta hopi moli.
Mientras cu e pampuna ta den forno, pone e simiyanan pa e crust riba un plancha plat di horna y pone nan den forno riba e shelf mas abao pa 10 minuut te ora cu nan cuminsa rementa(pop)…despues pon’e un banda pe fria.
Una bes cu e pampuna ta cla, scuri esaki y lag’e fria completamente.
PASO 2
Mientrastanto prepara e crust.
Pone e simiyanan cu a roast y e ginger nut biscuits hunto den un food processor y mula nan te cu nan bira fini.
Agrega e stem ginger y e Manteca y bolbe mezcla esaki den e food prossesor te ora cu e masa ta maera santo blanco muha.
Habri esaki den un panchi rondo di pie di 23 cm. Uza e lomba di un cuchara pa plama e masa den e panchi of forma rondo y percura cu no ta keda ningun buraco pa e filling no pasa door di dje. Pone den fridge pa 30 minuut pa fria/chill. Hasi e food prossesor limpi.
PASO 3
Bah e forno na 160C/140C fan/gas 3. Ora cu e pampuna ya ta friu y tur e exceso di awa a basha, pone den e food possessor. Agrega e resto di e ingredientenan pa e filling y blend te ora ela bira suave.
Pone e crust cu ya a fria/chill riba un plancha di horna meymey den forno.
Saca e shelf suavemente y basha e mezcla di pampuna den dje y te ariba na e rand.
Cera e oven pa 40 minuut y e filling mester a geset pero toch un ainda un tiki moli y ta move. (wobbely). Lag’e fria na temperature di pafo, normal di kamber. Despues pon’e chill pa sigur 1ora.
PASO 4
Pa e cristalizacion of pa e kraak (brittle), pone e simiyanan di pampuna den un panchi plat hancho di hero pisa y laganan toast, te ora nan cuminsa pop. Mientras cu nan ta toast, pone baking parchment/ waxpaper pa horna riba e plancha di horna.
Pone e simiyanan den un comchi y pone esaki un banda, despues hasi e panchi limpi.
Pone e sucu den panchi y pone e stoof na candela mediano. Laga e sucu bira caramel, lag’e riba stoof te ora e dissolve completamente, pero no drei e ningun momento sino e ta cristaliza –
Drei e panchi so den rond cada 10 seconde.
Lanta e candela y laga e sucu bubble te ora cu e bira di un color caramel scur.
Mes ora agrega e simiyanan y keda drei e panchi den ronchi pa nan mezcla aden.
Despues benta esaki riba e plancha plat cu e waxpaper.
Y lag’e fria pa 30 minuut.
PASO 5
Net prome cu sirbi bo Pie..prepara e crema.
Basha e crema y stropi den un comchi grandi y klop esaki te ora e bira un crema suave.
Saca e pie di fridge y di su panchi y pon’e riba un tayo of stand special pa pie of bolo y sirbi’e direct di e planchi.
Pone e crema neymey den center di e pie y bir’e den ronchi bay, lagando e rand di e pie mustra.
Ora cu e caramel ta cla y fria, kibra esaki den hopi pidanan chikito (cu un rol di rol mansa) y sprinkle nan riba e crema y e resto di e pie.
Si e caramel cristliza ta hopi, ward’e den fridge pa uza riba ice-cream , yoghurt of otro. E taw anta sigur 2 siman den fridge.
E pie por wanta sigur 3 dia den fridge.
Sirbi e pie y tru hende lo disfruta di dje y duna bo compliment !
Bon Apetit !
Pa un toke final:
Pa e superficie keda ta briya, brush e pie cu un tiki siroop di e stem Ginger, prome cu pone e crema di e stem Ginger riba dje.
Por sirbi’e cu:
Ice-Cream di Vanilla
Punch di Ginger, appel y vanilla