Pancakes di Pampuna


Preparacion ta: 10 minuut

Pa cushin’e: 30 minuut


E ta facil pa prepara.

Ta saca 9 pancakes grandi for di dje y of 27 mini pancakes.

Por freez e pampuna.

  • Uza si un bon panchi Non-Stick, sin lo mester uza cada un tiki Manteca den bom pa e no pega.

Ingredientenan:

  • 200 gram di hariña regular of esun di bo gusto

  • ½ cuchara chikito di baking powder

  • 200 ml di lechi (esun di bo preferencia)

  • 100 gram pampuna herbi caba y machica (of butternut squash)

  • 1webo, dor separa di e blanco


Metodo

Paso 1

Pone e hariña den un comchi y agrega e baking powder.

Midi e lechi y bent’e den un bowl hunto cu e pampuna of squash machica.

Despues benta e dor di webo tambe aden.


Paso 2

Den e comchi di e hariña traha un buraco mey mey den e hariña y gradualmente benta aden e mezcla di lechi cu e pampuna machica te ora e bira un masa sin klompi aden. Por pone tur cos tambe hunto den un blender y mezcla nan.

Paso 3

Klop e blanco di webo te ora e bira stijf, despues mezcla esaki den e mezcla di hariña y pampuna.


Paso 4

Keinta riba candela un panchi Non-Stick y traha 1 pancake grandi of 3 chikito a la bes.

Nota: si ta traha pancake chikito ta benta 1 cuchara grandi pa cada un.

Warda te ora cu e parti di ariba yena cu hopi buraco y e ta cuminsa seca.

Ora cu esaki sosode ta bolto e pancake. No laga e pancakes nan sin supervision !

Ripiti e mesun cos cu e resto di e mezcla.

Un Extra observacion……

Dia cu ami a traha e pancakes nan di pampuna mi no a herbe e pampuna hopi, pasobra mi a pensa cu e ta sigui cushina ora cu e pancake nan ta den panchi.

E tawata tin un bon resultado !


Un observacion ta cu e receta no a referi na topping; pues mi a uza low-fat whipped cream cu blueberries, pero por decora cu cualkier fruta di bo gusto.

Por pone tambe un topping di chuculati Hershey’s y of chocolate chips.

E pancakes nan di Pampuna lo combina hopi bon cu:

  • Promenton yena a la estilo Halloween

Bon Apetit !