TOP 10 RESOLUCION PA 2022


  1. FORTALECE BO SISTEMA DI DEFENSA - Come menos cuminda procesa y carni; come mas fruta y berdura y granos. Bebe menos bebidanan alcoholico y mas bebidanan saludabel.

  2. GO GREEN - Enfoca riba Re-usa y Recycla articulonan di cas y oficina, trata di uza mas tanto posibel energia renobabel; Solo y Biento. Ban spera cu den 2022 Serlimar no sende mas candela na e dump y manda huma toxico atrobe den comunidad.

  3. INVERTI DEN SALUD MENTAL - Drumi mas, stop di keda pensa riba asuntonan, mehora capacidad di laga los, sali y busca distraccion sano manera; cana, haci ehercicio, bishita nos playanan y parkenan.

  4. PARTICIPA DEN SEMINARIO DI MANEHO DI PLACA. Esaki ta algo hopi importante pa comunidad. Banconan por organisa e seminarionan aki den forma virtual pa yuda comunidad atende cu entrada y gasto.

  5. PARTICIPA NA LES DI CUSHINA CUMINDA SALUDABEL (VEGETARIANO OF VEGANO). Ta urgi pa Chefnan di Aruba crea seminarionan pa comunidad. Please restaurantnan pone mas opcion saludabel (vegetariano) den restaurantnan.

  6. INVERTI DEN SALUD SPIRITUAL - Lesa y explora mas di nos realidad Spiritual, conoce bo mes miho, anda cu asuntonan na un manera mas balansa.

  7. CAMBIA MAL HABITO - Skirbi un lista di habitonan cu bo ta considera cu no ta bon pa bo y cuminsa haci cambio, por ehempel: No mira telefoon tanto biaha pa ora, practica lag’e un banda pa basta rato. Lo bo ripara cu diripiente bo tin mas tempo pa cosnan mas importante.

  8. E PESO IDEAL - Sobrepeso ta un riesgo pa bo salud, durante pandemia aki hospitalnan rond mundo a informa cu mayora esnan cu a bay hospital bira malo ta esnan sobrepeso. Tuma decision pa reduci refresco y snacknan cu tin sucu, reemplasa nan cu bebida y snacknan saludabel.

  9. RABIA MENOS Y HARI MAS Y SEA MAS POSITIVO Y CONTENTO – Inverti den mas pasenshi y consideracion cu otronan. Pone un sonrisa riba bo cara y sinti e diferencia.

  10. Haci esfuerso pa reduci Egoismo y fortalece bo humildad y cortecia. Mehora e habilidad di no husga otro hende y asunto, lo bo sintibo mas liber y positivo.