"Tofu Stir Fry" cu bo Berduranan faborito


"Tofu Stir Fry" cu bo Berduranan faborito

Parti 1


Awe nos ta comparti un di nos recetanan faborito y clasico Vegetariano/Vegano!

Hopi di nos a tende di Tofu y nos kier sa mas di dje pa nos tambe por cushin’e y experimenta con dushi e ta smaak.

Nos receta ta den Parti 1 y Parti 2 cu un splicacion hopi amplio primeramente di Tofu, tambe consehonan di panchi y utensilionan cu bo tin mester, sigui pa un di e tantisimo recetanan den Parti 2.


Maske cu bo ta kere cu bo no ta gusta Tofu, duna bo mes un chens pa purba algo nobo cu lo sorprende bo y cu kisas bo ta bay gusta asina tanto pa pone den bo menu di siman!


Tofu ta firme y cu un sabor unico. E berduranan ta fresco y colorido!

"Tofu stir fry" tin tur cos y opcionnan pa traha un cuminda facil y lihe, cu bo por traha cada bes di un otro forma.


Pa e personanan cu tin consideracionnan di dieet, e Tofu Stir Fry aki ta Vegano natural; y si bo uza gluten free Tamari enbes di Soy Sauce esaki lo ta gluten free di mes. Pues mas stir fry pa tur hende.


Tofu ta stret for di fridge y maske bo no por cushina, confia ora cu nos bisabo cu , bo por cushina Tofu!

Un cuminda dushi y facil, specialmente ora nos tin hopi hamber!


Por uza cualkier tipo di berdura cu bo gusta y e saus ta solamente 2 ingrediente y henter e receta aki ta cla den apenas 30 minuut!


Un Tofu Stir Fry saludabel ta un cuminda di ultimo momento cu bo por cushina cu loke bo tin disponibel den bo fridge.

Normalmente nos ta trah’e cu spinazie – pero bo por cambi’e pa cualkier otro berdura.

Por ehempel Broccoli Stir fry? Promenton Stir fry?

Cualkier berdura Stir Fry ta bay !!! Hasta ela rima…



Nutricion

E plato aki ta sirbi 1 pa 4 persona

Caloria: 297

Carbohidrato: 12 gram

Proteina: 22 gram

Fat: 17 gram

Vet satura: 2 gram

Fibra: 5 gram

Sucu: 1 gram


Tin algun sugerencia di algun tools pa traha Stir Fry , pa esnan cu kisas ta bay drenta cu mas determinacion den e mundo culinario;

  • Wok. Si bo tin un lo ta great! Pero bo no mester tin un Wok pa traha un tremendo Stir Fry – un panchi grandi y hundo – nonstick lo hasi e triki , pero si bo tin plan pa cushina stir fry cu hopi frecuencia, anto e ora ta bale la pena pa hasi un bon inversion.

  • Un spatula hancho y contra candela. Perfecto pa drei cuminda y bira e blokinan di tofu cu mas facilidad.


E proximo biaha cu bo bay supermarket, benta un paki of dos di tofu extra-firm den bo garoshi, pasobra riba e anochinan cu bo tin pura y sin mucho tempo pa cushina; e dinner super saludabel aki lo cay na smaak ta keda cla mes ora!


Con pa traha e miho Stri Fry pero tambe esun di mas facil

Cu 2 paki di Tofu, un boter di Soy Sauce, garlic (opcional) y un par di berdura den bo cushina, bo por traha un cuminda super dinamico!


Ingredientenan clave pa traha bo "Tofu Stir Fry":

Laga nos papia di e productonan esencial pa traha bo Stir Fry saludabel.

E receta aki ta hopi flexibel.


Tin algun punto super importante pa tene cuenta cune:

  • Extra-Firm Tofu. E berdad ta cu Tofu por trece un tiki confusion, pasobra mesos cu papa of cornflakes pa desayuno, tin masha hopi opcion pa escohe cu tambe ta hopi similar.

  • Pa esnan cu nunca por a pensa cuanto nan lo bay gusta Tofu… esaki mester ta e Tofu EXTRA FIRME… no moli… no manera seda… nI firme… sino EXTRA FIRME ! Nos ta spera cu awor nos tin bo atencion.


Ta bon pa sa e diferencia entre e diferente tiponan di TOFU

Tofu ta ser catergoriza pa e cantidad di awa cu e ta contene.

  • Tofu Extra-Firme ta esun cu tin menos likido aden. Pesey esaki ta esun cu semper nos ta recomenda, specialmente si e mester wordo corta na bloki. E lo tin si ainda suficiente likido pa primi saca for di dje; pa e tofu bira mas crispy ora cu has’e of air fry e.

  • Tofu Firme. Si nos kier papia cla riba e tipo di tofu aki ; pa bisa berdad nos no sa kiko e intencion di e textura aki ta. Hasta ora cu mi ta machica e tofu aki den Tofu Taco , toch ainda mi ta prefer esun extra-firme cu ta contene un bon cantidad di likido.

  • Tofu Suave of Seda. Ambos di e tiponan aki di tofu ( seda ta esun Japones y suave ta esun Chines) ta comporta di e mesun forma. Esakinan tin e cantidad minimo likido ya caba primi y saca for did je y su textura ta suave. No purba di bay uza e Tofu aki como Stir Fry; en cambio uz’e si pa blend como smoothie pa un boost, of miho ainda pa uz’e den desser di vegan manera Chocolate Mousse Pie.


Asina ta uza solamente e TOFU EXTRA-FIRM!

  • Ginger Fresco. Esaki ta un ingrediente fundamental pa un Stir Fry c’un tremendo sabor.

  • Green Onion (opcional) of Pak Choy cu su stengel/stam. Smoor mita di e Pak Choy of Green Onion cu e berduranan pa lanta su sabor, despues strooi e resto ora cu e ta cerca di cla pa duna e Stir Fry un zest.

  • Soy Sauce y Sesame Oil. Dos ingrediente cu ta yuda bo crea bo Stir Fry den un frega di wowo! Bo por agreganan direct den bo panchi y bo no mester traha un saus apart.Ta recomenda pa cumpra e Low Sodium Sesame Oil pa ora cu mix e cu e Soy Sauce bo cuminda no bira demasiado salo. Sesame oil ta agrega un sabor rico y un tiki geroost na cualkier Stir Fry. Bo por haya Sesame Oil den diferente Supermarket.

  • Te aki nos Parti #1

  • Proximo Weekend nos lo presenta e di dos y ultimo Parti di Tofu Stir Fry…