Alimentacion saludabel ta brindabo un curason sano. No ta diferencia di tipo di sanger of nutriente, pero mas bien riba kiko nos ta come pa dia ta determina con bon di salud bo curason ta.
1. Come mas fruta y berdura
Un custumber di come cu un variedad di fruta y berdura ta relaciona cu un corason mas sano y di un menor riesgo di enfermedadnan di curason.
2. Cambia pa cerealnan
Integral
Cerealnan integral ta inclui mas di e granonan natural. Esaki ta nifica cu nan tin mas nutrientenan como fibra dietetico, vitamina B, vitamina E y vetnan saludabel.
3. Escohe vetnan saludabel
E miho vetnan pa inclui den nos cuminda ta e vetnan mono- no satura y poli – no saturada (manera omega-3 y
omega-6). Por haya e vetnan aki mas saludabel den awacati, noot, pisca y simiyanan di zonnebloem/girasol.
4. Uza hierba y especienan den lugar di salo
Come demasiado salo ta malo pa nos corason. E sodium cu tin den e salo por aumenta e riesgo di desaroya presion den sanger of sanger halto , un factor di riesgo importante di enfermedad di curason /cardiaco.
5. Sea mas activo
Haci actividadnan fisico cu regularidad ta reduci e riesgo di sufri di un ataca di curason of di desarroya un enfermedad di curason. Mantene nos mes activo ta ayuda a controla e factornan di riesgonan comun di enfermedadnan di curason, cu ta inclui:
Presion halto den sanger
Colesterol halto y
Sobrepeso.
Actividad fisico regular tambe por yuda na fortalece nos huesonan y nos musculonan di curason. Esaki por yuda nos sinti mas energia, mas feliz y relaha.
6. Establece metanan realista
Cuminsa cu metanan chikito y realista y avansa te yega na 30 pa 60 minuut di e actividad fisico recomenda den intensidad modera (manera canamento un tiki acelera) riba mayoria dia di siman.
7. Escohe actividadnan cu bo ta disfruta
Ora nos ta disfruta di actividadnan fisico, ta mas probabel cu nos lo haci esaki cu mas frecuencia.
8. Haci Social
Mantene bo mes motiva realizando actividadnan fisico hunto cu un grupo di amigo of familiarnan, of hasta cu bo cacho.
9. Sinta menos
Adultonan cu ta sinta menos a lo largo di dia tin un riesgo mas abao di morto prematuro, particularmente di enfermedadnan di curason.