Tuma tempo pa haci e reorganisacion na cas, haci cambernan limpi.
Probecha e tempo liber pa descansa, lesa algun buki cu bo no a haya chens di lesa.
Traha plan cu famia pa bay bishita algun sitio di nos naturalesa, manera bay landa na Baby Beach of Rogers Beach.
Schedule bo mes pa bay mira algun pelicula, cada siman un pelicula.
Escoge dianan cu bo ta bay dedica na bo salud y condicion fisico, bay cana na e diferente parkenan pa cana; sea na Malmok, Area di Eagle Beach, Linear Park Oranjestad, Linear Park San Nicolas.
Cumpra un Puzzle complica y trah’e cu famia of bo so.
Den weekend escoge pa hunto den famia cushina un Lunch Familiar completo, un persona ta traha un appetizer, dos ta traha e cuminda principal, un otro ta traha e dessert.
Habri cashi di paña y wak cua paa bo no ta bisti mas, separa esakinan pa hiba pa organisannan cu sa ken tin mester di paña.
Ora di caba di cana, landa, come of hunga; tuma un rato p combersa riba un tema cu ta interesa nos, por ehempel mundial, cultural of spiritual.
Planta e matanan cu tin simannan para pa hinca den tera y pa hasi e hardin mas bunita.
Organiza un proyecto conhuntamente sea ta pinta un cuadra, traha obra di arte, drechaof traha algo pa den cas. Ta bunita pa despues recorda cu ta nos tur parti y a hasi un pida den e obra.
Pasa momentonan hopi pret cu e wega di benta saco di boonchi of “bean bag” cu awor aki ta hopi popular.