Segun World Health Organisation 1 den cada 4 hende ta sufriendo di problema di Salud Mental, mas di 350 miyon hende na mundo. Kisas cada un di nos ta sufriendo di un of otro stress of trauma cu nos mes no ta admiti of ta na altura di dje.
Aki 15 Tips pa yuda nos mantene un bon Salud Mental segun diferente fuentenan di Salud y Bienestar.
Stima bo mes, bo ta un yiu di bo mayornan y di nos Creador, bo tin un potencial fisico, mental y spiritual cu por yudabo atende cu cualkier reto, bo mester tin Fe.
Tene contacto regular cu sea amigonan of famia.
Evita biba cargando un rugzak di asuntonan di pasado of pendiente.
Atende cu tur decepcion sin hopi emocion, tin contesta y solucion, evita rabia.
Alcohol no ta e contesta, mas bien e por causabo problema mental y fisico.
Pordona ta un capacidad no debilidad, pordona no kiermen bo ta di acuerdo cu algo, sino cu e persona no sa miho.
Percura pa bo tin un programa di haci actividad fisico; sea ta yoga, cana, landa, Tai Chi.
Drumi suficiente ora; adulto 16 pa 60 aña: 7 of mas ora, 61 pa 64 aña: 7 pa 9 ora.
Tuma tempo pa bay lama, sinta na beach mainta of atardi y disfruta di e aire fresco, e bunita bista y e zonido di e olanan di Lama.
Inverti den come saludabel, mas fruta, berdura y grano.
Dedica tempo pa lesa un buki spiritual, tin hopi autornan nobo cu bukinan cu topiconan hopi interesante.
Duna bo mes un hobbie, sea ta un deporte of arte.
Haci Trabao boluntario
Si bo ta sinti un poco stress dimas consulta cu un Psycologo of un bon amigo.
Sea dispuesto pa decubri conocemento nobo, nos Echo no ta nos amigo, e ta stroba nos hopi biaha di descubri berdadnan di nos mes of di topiconan cu tin relacion cu nos bienestar y progreso.