HISTORIA
Ken por sa mas di Awa, su balor pa nos salud, cuanto pa bebe, con pa bebe awa miho? India tin un di e Ciencianan di Salud y bida mas antiguo di mundo yama Ayurveda cu ta data alrededor di 3000 aña pasa.
Awendia dokternan ta reconoce e balor grandi di Ayurveda su sistema di tratamento natural pa recupera malesa y combati malesa.
Nos curpa ta consisti di 60 pa 73% di awa, pues e likido mas importante pa bebe durante bo bida ta awa.
Nos sanger ta 83% awa
Nos musculonan 75% awa
Nos wesonan ta 22 % awa
Nos celebro ta 74% awa
Nos curason 73% awa
Nos pulmon 83 awa
Nos Riñon 75 % awa
Nos cuero 64% awa
Hende homber mester bebe 2.5 liter y
Hende muher 2 liter pa dia di awa.
NA CUA TEMPERATURA NAN TA SUGERI PA BEBE AWA.
Nos curpa su temperatura continuamente ta 37 grado, pues nan ta recomenda bebe awa cu solamente 4 grado di diferencia mas cayente of 4 % friu. Pues 41 grado mas abao of 33 grado.
Pues hendenan na India pero tambe na China, mayoria no ta bebe awa friu manera nos conoce di frishider.Ijs den glas lo bo no topa cune den cualkier restaurant of cas den e pueblonan di India of China. E miho manera pa bebe awa ta e temperatura di cranchi of camber manera ta ser bisa kedando den e rango di 4 grado di diferencia di 37 grado.
Ayurveda ta informa cu bebe awa friu ta desbalansa bo metabolismo, tambe e ta haci e mucus(slijm) den bo stoma mas diki, esaki ta e capa parti paden di bo stoma, hopi importante pa proteha organonan cu ta ser invadi pa bacterianan contra inflamacion y infeccion.
Awa friu ta paga e candela natural di nos curpa cu ta encarga cu temperatura pero tambe di nos digestion yama PITA. Awa friu ta slow down e enzymnan cu ta encarga cu digestion.
Awa friu ta crea loke ta ser yama INDIGESTION, esey kiermen cu cuminda no ta wordo digeri, cual ta un di e causanan di malesanan cu nos ta sufri di dje. Bo ta sinti con e cuminda ta keda manera na e parti ariba di bo stoma.
Imaginabo e cuminda cu poco nutricion cu hende ta come awendia y despues ta bebe awa friu of refresco friu hunto cune. E curpa practicamente no lo haya nada bon pa digeri of pa nutria bo curpa cune.
VELOCIDAD Y CANTIDAD DI BEBE AWA?
Den e bida pura cu nos ta biba aden,nos ta haci hopi cos den pura, incluyendo bebe awa pura. Ayurveda ta bisa cu bebe awa cu sloknan grandi ta malo pa bo salud. Alcontrario e awa mester wordo bebi na zip, pues cu sloknan chikito. Berdad ta cu nos mester di alrededor di 8 glas di awa pa dia, pero evita di bebe dos glas di awa pareu.
Zip awa y ten’e den bo boca un rato y despues guli esaki, ta hiba e scupi Alkaline di bo boca den bo stoma caminda cu e ta mehora e nivel di PH, yuda neutralisa un poco e acido di bo stoma cu t’ey pa yuda den digestion y combati bacteria. Bo scupi tambe tin enzym cu ta yuda bo digeri cuminda y kibra Starch y Carbohidrato complica y pa converti nan den e sucu cu bo mester.
Durante cu bo ta come ta recomenda pa bo Zip un poco awa si mesterdespues di guli algun cuminda, evita di bebe awa prome of despues di come, e ta stroba bo digestion. Y ta ser bisa cu loke bo stoma y higra no digeri ta ser deposita den bo curpa manera vet. Pues bebe awa cu e temperatura corecto y na e cantidad corecto ta mantene bo delega y bon di salud.
Comments