Perfecto pa henter famia, e ta bon pa freez y ta un dushi cuminda pa grandi y chikito, pasobra e tin su berduranan scondi den d’je.
Pa cushin’e: 2 ½ ora
Preparacion: 15 minuut
Hopi facil
Pa un famia di 4 pa 6 persona
Of 6 pa 8 cuminda pa mucha
Cada porcion tin: 474 caloria
10.9 Caloria
31.2 di protein
56 di carbohidrato
Ingredientenan:
1 cuchara grandi di Olive Oil/zeta di Oliva
1 siboyo corta chikito (opcional)
2 wortel mediano corta na dauw (mas of menos 130 gram)
1 te 2 stengel di Celder corta chikito (mas of menos 130 gram)
2 pida conoflo machica (opcional)
400-500 gram di carni stoba of cutsmall corta na pidanan mediano
Opcional dry Vegetarian Meat
1 cuchara chikito di cinnamon di puiro
1 bloki di bouillon di carni cu poco salo (low salt)
Opcional Mushroom Vegetarian Seasoning
2 cuchara grandi di pasta di tomati
25 gram di Parsley corta fini fini
1 kilo di Batata dushi casca y corta na dauw
1 schep di cuchara chikito of mediano di Manteca na smaak
1 schep di mey cup di Cheddar Grated Cheese
Paso 1
Keinta e zeta Olive Oil den un panchi di hero pisa. Agrega e siboyo y cushina pa 2 minuut. Depsues agrega e wortel y e celder y cushina esakinan te ora nan bira un tiki moli so. Agrega un tiki awa si e mezcla ta un tiki diki y ta pega.
Paso 2
Agrega e carni cu bo a escohe(Carni baca of esun vegetal) y cushina te ora e haya un color bruin (esaki ta diferente cu carni vegetal cu ta keda cla den mita di e tempo), despues hinca e conoflo y cinnamon aden y sigui cushina pa 1 te cu 2 minuut mast e ora cu e aroma cuminsa sali.
Paso 3
Agrega e bouillon na 500ml di awa y mezcla esaki den e panchi cu e carni.
Agrega tambe pasta di tomato y e stengelnan di celder. Laga esaki cushina/herbe bon pa 1 ora.
Despues kita e tapader y laga esaki simmer riba candela chikito pa 1 ora mast e ora cu e carni ta moli. (: cu carni vegetal ta tuma mas o menos 20 min. so). Despues hinca e parsley corta chikito tambe aden.
Paso 4
Basha e stoba den un tayo of pyrex of baki di ceramic mediano (pa 4 adulto) of den 6 pa 8 porcion pa mucha den baki di plastic chikito cu su tapa.
Paso 5
Mientrastanto, steam of herbe e batata dushi te ora e bira medio moli. Pre-heat e forno na 200C/180c (pa fan/gas pon’e na 6). Scuri e batatanan bon y machica nan cu Manteca. Cu un cuchara grandi keda pone e batata machica riba e carni y cubri eski completo. Awor sprinkle e keshi raspa riba full e superficie. Hinca bo pyrex of baki di ceramica awor den forno riba e shelf mas na halto den forno. Lag’e horna pa 20 minuut te ora e haya e color bruin oro y cu e keshi a dirti y tin burbuha /bubbles.
Paso 6
Por tambe freez e cuminda aki. Cubri’e cu foil of un otro material preferi y hink’e den freezer. Ora di bay com’e, lag’e defrost completamente, por ehempel lag’e defrost di anochi pa mainta. Despues pone forno na na 200C/180c (pa fan/gas pon’e na 6) y lag’e horna pa 35 minuut.
Bon Apetit !!
Por pone bandi dje:
Banana hasa of herbi
Rooibiet fresco herbi
Por sirbi aros cune tambe