Spinazie Sesame cu Carni Vegetal


(Surtido grandi na ‘’Vegetarian Delight Aruba” )


Preparacion y pa cushina:

Spinazie: 1 minuut plus warda den frigde

Carni Vegetal y aros: 20 minuut

Pa 2 hende

E receta vegetarian aki ta facil


E receta aki di Spinazie cu Sesame ta Koreano cu su Ingredientenan

E receta di carni vegetal ta simpel y ta cla den menos cu 20 minuut pasobra e carni aki ta sea di Mushroom, Soya of Tofu y ta cushina hopi lihe. Bo no mester wanta hamber pa largo !


Spinazie y Carni Vegetal:

Caloria 165

Carbs 9

Fibra 31

Proteina 8 gram

Salo 3 gram


Ingredientenan pa e Spinazie:

  • 1 cuchara grandi di sopi di zeta di Sesame

  • ½ cuchara gradni di Soy Sauce (lite)

  • ½ Cucuhara chikito di simiya di Sesame getoast y machica

  • ½ Cuchara chikito di Rice Vinegar

  • ½ Sucu Golden Caster (sucu super fini)

  • 1 pida conoflo machica (opcional)

  • 225 gram di Spinazie, corta e Stengel afo


PASO 1

  • Pone un weya grandi na candela cu awa y lage boil

  • Yena un weya of baki di plastic grandi cu awa frieu cu ijs aden

  • Mientrastanto den un bowl mediano drei tur hunto e: sesame oil, soy sauce, simiyanan di sesame , vinager, sucu, conoflo(opcional) y peper na smaak , te ora cu e sucu a dissolve.

  • Pone e dressing un banda.


Paso 2

  • Hinca e spinazie den e awa cu ta boil djis te ora e bira berde scur y moli ( spinazie ta un berdura hopi suave y cu no mester lag’e hopi den e awa cayente)

  • Scoop e spinazie di biaha for di e awa cayente y hinca esaki di biaha den e awa frieu cu ijs . ( lage un rato pa e bira frieu pa e tin e mesun temperatura cu e dressing)

  • Scuri e spinazie hopi bon y suavemente primi saca e awa di mas for di dje.

  • Habri e spinazie for di otro cu bo dedenan.

  • Depues hinca e spinazie den e bowl cu e dressing y drei tur cos hunto.

  • Tap’e y ward’e den fridge pa e chill pa mas o menos 1 ora pa asina laga e sabornan mezcla cu otro.


Ingredientenan pa e Carni Vegetal

Tene na cuenta cu ya e Carni Vegetal tin su salo y tin biaha ya e tin su condimento.

Tin diferente manera y hopi facil pa traha carni vegetal:

  1. Hasa of riba grill por ehempel ( tin grill di countertop manera George Foreman)

  2. Carni vegetal seco

  3. Stoba cu batata y of berdura of otro combinacionnan di bo preferencia.

  4. Como Chicken Salad

  5. Pa por identifica e diferente sabornan di carni vegetal tin “galiña, ham, steak, pisca, spam” pa djis menciona algun.

  6. Bo ta traha bo saus preferi pone riba dje ( saus crioyo, curry etc.)

  7. Bo por uza bo condiment y berduranan preferi manera: peper, curry, basil, laurier, parsley, celder, promenton, tomati etc., mescos cu bo ta traha cuminda normal solamente ta reempasa e carni di animal pa esun vegetal.


Den corto ta tuma masha poco tempo pa prepara y cushina carni vegetal, pasobra no mester cushin’e hopi.

Pesey den mas of menos 20 minuut bo cuminda ta cla.


Por sirbi’e cu:

Beansprouts/Taugé geseason.

Aros blanco of bruin segun bo preferencia.

Na Aruba nos ta gusta pone nos banana herbi of hasa banda di cuminda.


Come Dushi !!