Sint Maarten ta baya pa bin bek y empata cu Boneiro 2-2 den Grupo A di Liga C den Concacaf Nations League na Stadion Rignaal Jean Francisca na Willemstad, Curacao. Esaki tabata e prome biaha cu e dos ekiponan aki ta topa otra den Nations League.
Den e prome partido di Grupo A, Boneiro a gana Turks and Caicos 4-1, y nan ta cuminsa den mesun forma durante e partido aki. Ayrton Cicilia cu a anota un hat trick den e partido menciona, ta duna Jonathan Libania un assistencia pa anota e prome gol di e partido 9 minuut. Boneiro ta anota e di dos gol den di 18 minuut, ora cu Cicilia ta pasa e bala pa Quincy Hoeve duna Boneiro e ventaha 2-0.
Sint Maarten su hungadornan no ta rindi, y den di 27 minuut Elmer De Vries ta manda un cruse for di banda drechi di field cu Ties Kerssies ta cabesa den gol, 2-1 y nos tin wega.
Solamente 5 minuut despues, capitan Kay Gerritsen ta manda un tiro liber den area penal cu Quincy Hoeve no por a haci mucho cu ne y ta bay den gol como un auto-gol.