Esaki no tawata un plato ficticio di un pelicula di cartoon “Ratatouille”.
E receta aki ta existi di berdad, y awo nos ta post e pa abo tambe por experimenta y sinti su sabor y sa con e ta smaak ya cu e la bira hopi popular, y tur hende kier purb’e.
Kisas esaki ta un di e retonan cu bo tawata spera den un receta, pasobra e ta bai challenge bo sigur den varios aspecto.
Ideal como Lunch pa comparti cu bo Amiga(o)nan
Preparacion y duracion:
Preparacion: 40 minuut
Pa cushin’e: 1 ½ ora
Nota: ( tin cu freez e durante di anochi y al menos 30 minuut den fridge)
Ta sirbi: 8 – 10 persona
Categoria: Vegetariano
Caloria: 346
Carbs: 35 gr
Proteina: 8 gr
Fibra: 4 gr
Horna e pastry cu keshi cu e Aubergine/Berehein y e compota di tomati y courgette nan geroast pa e pie aki.
Ingredientenan:
5 Tomati mediano (un mezcla di diferente color lo mustra bunita)
1 Berehein / Aubergine
2 cuchara grandi olive oil/zeta di oliva
2 siboyo cora (opcional)
4 pida conoflo, machica (opcional)
1 cuchara grandi di sucu caster ( esaki ta un sucu fini pa hopi fini, cu ta ser uza den recetanan di dessert hopi liviano)
2 courgettes (nos ta uza 1 geel y 1 berde)
20 gram di keshi pharmesan of keshi vegetariano raspa (opcional)
Pa e pie:
150 gram Manteca
300 gram hariña regular, mas un tiki extra pa sprinkle
4 cuchara grandi di polenta (Polenta ta traha di hariña geel di funchi y ta originalmente di Italia y por hay’e den supermercado “quick cooking” of “instant”polenta cla caba den algun minuut. Mester tin bouillon, Manteca, salo y pepper; e ta un style di funchi manera nos ta trah’e na Aruba)
50 gram extra di Cheddar Madura( un tiki duro), raspa ( pa e keda granula)
1 boshi chikito di blachi di Thyme
1 dor di webo geklop ( freez e blanco di e webo pa un otro receta)
Paso 1
Un anochi prome cu traha e pie, lora e Manteca den foil y freez e , te ora cu e ta solido, esaki ta pa rasp’e miho. Pa traha e pastry, pone e hariña den un bowl grandi y mix mita di e polenta aden y tambe e keshi, thyme ( tene un par di blaachi apart pa decora) y salon a smaak. Uza un raspado cu buraconan mas grandi pa e manteca sali granula y no fini. Despues benta e manteca tambe aden.
Importante: Purba di mezcla e manteca aden cu un cuchiu, pa e no bira suave.
Drei full e mezcla un ultimo biaha y percura pa tur e klompinan di manteca ta cubri cu e hariña y despues rapidamente mezcla e 125 ml di awa frieu.
Cuidadosamente trece tur cos hunto cu bo mannan (splash un tiki mas awa frieu si e ta mustra un tiki seco. Despues lore den pergamino pa horna ( baking parchment) y chill pa 30 minuut.
Kiko por uza en bes di baking parchment?
Silicon baking mat., Aluminium foil cu zeta riba dje, un baki di horna hunta cu zeta, of un baki di horna non-stick
Paso 2
Slice e tomatinan mes diki c’un florin ( si bo tin un slicer/mandolin, uz’e). Reserva mita di un tomati pa decora riba e pie, despues y corta e resto na pida pida.
Paso 3
Keinta bo grill na High, of bo por uza tambe e candela di bo stoof. Pencha e Berehein 4 of 5 biaha cu e punta di un cuchiu skerpi y cu un tong di metal tene riba e candela di e stoof y bira varios biaha pa e grill na tur dos banda. Hasi esaki pa 10 minuut te ora cu e berehien bira slap y ta cay. Lage para un banda pa e bira un tiki frieu/cool off.
Paso 4
Keinta mita di e zeta den un panchi riba un candela medium, y hasa e siboyonan (opcional) cu e salo pa 10 minuut te ora e siboyo bira transparente. Mientrastanto, kita e casca di e Berehein (no preocupa si algun pida keda pega riba e Berehein, esaki lo dune un tiki di e sabor di BBQ). Corta e Berehein awor na pida pida.
Paso 5
Agrega e conoflo y e Berehein hunto cu e siboyo y cushina pa 5 minuut mas, of te ora cu tur e awa di e Berehein a seca. Agrega e tomatinan corta na pida pida, e sucu, seasoning y sigui cushin’e pa mas of menos 10 minuut mast e ora cu e bira diki. Lage para un banda pa e fria, ora cu e fria pone den frigde pa e chill te ora cu mester uz’e. (Por wordo traha un dia prome tambe)
Paso 6
Slice e courgette nan tambe mes diki c’un florin. Pone nan den un bowl y cu salo mezcla nan tur bon. Lage para pa 10 minuut.
Paso 7
Saca e pastry/pie for di fridge. Keinta e forno na 200C/180C fan/gas na 6 cu e baki di horna aden ( di 30 cm of por uza tambe un panchi hundo). Rola habri e pastry riba un sheet largo di baking parchment cu bo a sprinkle un tiki hariña riba dje den un circulo di 35 cm hancho. Corta y drecha su randnan si bo ta desea un rand mas acaba.
Paso 8
Scuri cualkier likido di mas di e courgettenan, despues pone nan riba un tayo cu handtowel pa e chupa tur e likido. Sprinkle e polenta cu a resta riba e pastry, despues pone e mix di tomati y berehein cu a chill riba d’je tambe. Plam’e cu e lomba di un cuchara grandi, lagando 3cm bashi rond di full e rand.
Paso 9
Manera riba e potret aregla y decora tur e slicenan di tomati y e courgette nan den un circulo un tiki riba otro te ora cu yega na e centro di e pie. Brush e berduranan cu e resto di zeta, season y sprinkle nan cu e keshi . Dobla e rand di e pastry un tiki riba e berduranan y primi suavemente pa e pega; brush e rand di e pastry cu e dor di webo geel geklop.
Paso 10
Cuidadosamente move e pie cu ainda ta riba e baking parchment, riba e baki di horna of riba un panchi. Pon’e den forno y lag’e horna pa 45 minuut te ora cu e bira di color medio bruin/oro, e ora sprinkle e extra blachinan di Thyme riba dje si ta desea. Ora sac’e for di forno lag’e cool off un tiki y por sirbi’e riba un temperatura medio cayente.
E plato “Ratatouille” por wordo sirbi cu:
Roulade di Peer, Pecan y Mascarpone den saus di Maple.
Donut di Apple, Cinnamon y Caramel.
Bolo di Blackberry y Appelsina.
Tur ariba menciona por agrega a la Mode (1 scoop di Ice-cream)
Comments