Pie di Pumpuna


Un receta cu ta facil pa nos traha, pues na Aruba nos ta haya Pampuna cumpra y hasta nos mes por plant’e.


Traha of cumpra bo crust di pie of bolo y yen’e cu un dushi sabor di Pampuna.

Esaki ta un receta un tiki diferente cu un swing di spice aden.

Tambe bo por decor’e cu e noot di bo gusto sea; walnut, almond of tambe simiya di Sesame (blanco of preto) of hasta fruta seco.

Un otro idea tambe ta; enbes cu bo strooi e Icing Sugar riba dje, bo ta agrega un topping di meringue, pa duna bo pie di Pampuna un extra decoracion...

Comparti y disfruta!

Preparacion y duracion pa cushin’e:

  • Preparacion: 40 minuut

  • Cushina: 1 ora y 30 minuut

  • Plus chill (fria)

  • Ta Sirbi 8 persona


Nutricion: pa porcion

Caloria 357

Vet 18gram

Vet Saturata 7gram

Carbohidrato 45gram

Sucu 27gram

Fibra 2gram

Proteina 5gram

Salo 0.65gram

Ingredientenan:

  • 750gram of 1liber di Pampuna of “Butternut Squash”, pela, saca e simiyanan afo, corta e pampuna na na dou mediano.

  • 350gram di “Sweet shortcrust pastry”

  • Hariña plain pa strooi

  • 140gram di sucu di caster

  • ½ cuchara chikito di salo

  • ½ cuchara chikito di nutmeg fresco machica

  • 1 cuchara chikito di cinnamon

  • 2 webo geklop

  • 25gram di Manteca moli, preferibel gesmelt

  • 175ml di lechi di bo gusto (baca, soja, aros, oats)

  • 1 cuchara grandi di “Icing Sugar”

METODO

PASO 1

  • Pone e pampuna den un weya grandi cu awa y tap’e. Despues lag’e herbe pa 15 minuut or te ora cu e ta moli/suave Scuri e pampuna y lag’e fria.


PASO 2

  • Keinta e forno na 180C/160C fan/gas 4. Lora e mansa/pastry riba un superficie cu a strooi e hariña riba dje. Y uz’e den un panchi di 22 cm pa pie/bolo cu e fondo cu ta kita. Pon’e den fridge y lag’e chill pa 15 minuut.

  • Pone den e fondo di e panchi di 22 cm e waxpaper pa horna y e boonchinan

  • Y lag’e horna pa 15 minuut.

  • Saca e boonchinan y papel, despues laganan horna 10 minuut mas te ora cu e mansa/base ta di un color bruin cla y cu un textura manera buscuchi.

  • Sak’e for di forno y lag’e fria un tiki.

PASO 3

  • Aumenta e temperatura di forno na 220C/200C fan/gas 7. Pusha/sefta e pampuna cu ya a fria door di e zeef den un baki/bowl grandi.

  • Awor den un otro baki/bowl, combina e sucu, salo, nutmeg y mita di e cinnamon.

  • Mezcla den dje tambe awor e webonan, e manteca gesmelt y e lechi.

  • Agrega e puree di pampuna aden y drei tur cos hunto.

  • Basha e mezcla aki den e crust y cushina pa 10 minuut.

  • Despues reduci e temperatura di forno na 180C/160C fan/gas 4.

  • Sigui horna e pie di pampuna pa 35-40 minuut mas, te cu e mezcla di Pampuna a set den e crust.

PASO 4

  • Lag’e fria awor.

  • Despues saca e pie for di e panchi.

  • Mezcva e resto di Cinnamon cu e Icing Sugar/sucu y strooi riba e pie.

  • Por uza Merengue, noot y simiya di Sesame...


Awor ta e momento pa bo decora bo Pie di Pampuna!...Uza bo fantasia….

Sirbi’e frieu….


Ta combina bon cu:

Ice Cream di Vanilla Vegano of esun regular di lech’i baca.


Bon Apetit!