Pasaboca di Concomber cu Creamcheese #2

Updated: Aug 18


E appetizer aki ta duna un bunita impresion riba bo mesa di fiesta como un dushi pasaboca. E snacks aki ta lihe, colorido, tremendo sabor , cu e nutrientenan esencial y cu ta hasi’e tambe perfecto pa entretene.

E pasaboca aki ta ideal tambe pa ora bo yiunan tin bishita di nan amigonan na cas; hasta nan mes por traha e pasabocanan aki como parti di nan entretenimento. Solamente mester di un tiki habilidad un saco pa primi e creamcheese y dun’e e efecto di strea riba e concomber decora y cla!

Nan ta gusta esaki…pasa bon trahando un snacks delicioso...


Preparacion y duracion pa prepar’e:

  • Preparacion: 15 minuut

  • No mester cushin’e

  • Facil

  • Ta Saca mas of menos 20 pida

  • Vegetariano

Ingredientenan:

  • 2 Concomber

  • 12 mini tomati cherry /cherry tomatoes

  • 4 oz. di cream cheese moli

  • 1 cuchara grandi (tbsp.) di mayonnaise

  • 3 cuchara grandi (tbsp.) di light ranch dressing

  • 1 cuchara grandi (tbsp.) – di dill frozen of fresco

  • ¼ cuchara chikito (tsp.) – garlic salt of salo normal (OPCIONAL)

  • Black pepper pa decora


Instructionnan:

  1. Laba, pela y slice cada concomber den wiel di ½ inch.

  2. Cu e cuchara rondo chikito di midi di ½ cuchara chikito /teaspoon kita e simiyanan di e concomber.

  3. Mezcla e creamcheese suave, e mayonnaise y e ranch hunto; mezcla esaki bon te ora e keda suave den textura.

  4. Agrega un tiki dill y conoflo cu salo (opcional) y sigui mezcla te ora tur ta bon combina.

  5. Agrega e dill y garlic salt (opcional) y sigui mezcla cu e contenido.

  6. Pone henter e mezcla suave aki den un saco di primi pa decora bolo y snacks y pone e boca di strea. Primi cada bes riba un wiel di concomber un strea di ¾ inch tbsp.

  7. Si e mezcla di creamcheese no ta pega asina bon riba e wiel di concomber; seca y primi cada wiel di concomber cu un handtowel prome cu pone e mezcla di strea riba dje.

  8. Corta e mini tomato cherry nan den mita y hinca cada mita den e strea di creamcheese manera e imagen ta mustra.

  9. Sprinkle cu black pepper riba e concomber bites nan, sirbi y disfruta!

  10. E pasabocanan aki por wordo prepara y poni den fridge varios ora prome. Percura pa chill e pasaboca aki te ora cu ta e momento pa sirbi’e.



Bo lo surprise bo friendsnan cu e delicioso Concomber bites nan aki !

Disfruta y Bon Apetit !