Maishi Rabo of Maishi Chikito, asina e ta ser yama na Aruba.
Na otro idiomanan e ta wordo yama, Sorghummel, Sorgo, Red Sorghum, Durra, Kafferkoren, Soedangras y Kafir.
Papa ta un cuminda hopi gusta pa su balor nutritivo y su dushi sabor.
Grandi y chikito ta come papa simpel of tambe cu fruta, Honing of stropi na gusto.
Por come papa tur dia, pasobra tin hopi variacion cu por agrega na dje.
Ingredientenan:
3 Cuchara grandi di Maishi Rabo
½ telep di salo ( por menos tambe)
1½ Cuchara grandi di sucu ( preferibel sucu bruin cu ta mas saludabel)
3 Cuchara grandi di Lechi crema of cualkier otro lechi na bo gusto sea lechi Almendra, Aros, Coco of Oatmeal)
1½ cup Awa
Por agrega cane/cinnamon y rasenchi tambe na gusto.
Si e rasenchinan ta hopi seco, por laganan un rato den awa lauw pa nan bira moli.
Pa algun hende ainda e Maishi Rabo ta basta grof, pesey por mul’e y hasi’e fini.
Paso 1
Den un comchi mediano, mezcla tur e ingredientenan cu ta seco.
Hasi esaki cu un klopper/Whisk.
Paso 2
Despues agrega e awa y mezcla esaki hopi bon.
Paso3
Pone e candela di stove na medium.
Basha tur cos den un weya mediano.
Uza e klopper pa keda bati e papa.
Drei de bes en cuando te ora cu e papa cuminsa bira diki.
Paso 4
Kita e weya for di candela.