Awe mainta den Awe den Noticia ….por a scucha di e ola di calor cu ta na caminda pa e proximo 5 dianan….
E area di Caribe actualmente ta experenciando un ola di calor y nos reaccion tocante e fenomeno aki ta bay hasi un diferencia gigantesco riba nos salud. E ola di calor aki por sigui activo…crece y disminui alternativamente …. te cu e lunanan di augustes y september 2023.
Algun efectonan comun, di un ola di calor, riba e ser humano ta un di esunnan mas grave cu ta:
Deshidratacion cu por provoca perdida di conocimento of hasta morto, Pa e calor insoportabel y pa e angustia psicologico.
Siguientemente algun conseho di HITS100 FM pa yuda nos soporta e temporada aki Exitosamente!
Bebe mas - awa durante di dia pa mantene bo mes hidrata, cu al menos 8 – 10 glas di awa pa dia. Evita bebidanan alcoholico y cu cafeina, especialmente durante e temporada aki
Keda paden - Si bo no mester sali, keda paden den cas of oficina entre 10 or di mainta cu 4 or di atardi. Uza bo airco of fan pa tene bo cas paden fresco.
Bisti paña apropia - los na curpa, di color cla y preferiblemente di tela di catuna pa refleha e rayonan di solo.
Busca lugarnan cu tin sombra- Uza un sombre hancho pa cubri bo cabes y cara of un paraplu.
Hunta crema pa proteha bo di solo (sunscreen) – cu un porcentahe halto di SPF prome cu bo sali pafo.
Uza metodonan refrescante- Baña cu awa friu of fresco durante dia pa tene bo curpa fresco y especialmente prome cu bo bay drumi
Limita actividadnan fisico- Evita ehercisio fisico rigoroso durante e orario mas cayente di dia. Si bo mester hasi ehercisio, hasi esaki parti mainta of anochi ora ta mas fresco.
Come cumindanan liviano y fresco - Reduci consumo di cumindanan rico na proteina (p.e. carni cora) ya cu esakinan ta aumenta e calor metabolico, y cu no ta rekeri pa cushina y para dilanti stoof. Come fruta y berdura fresco cu ta e miho opcionnan.
Vigila e adulto y muchanan vulnerabel- Sea ta famia of bisiña cu por ta mas vulnerabel pa calor, manera nos grandinan , nos muchanan y esnan cu malesanan cronico. Vigilanan constanemente pa percura cu nan curpa ta keda fresco y hidrata.
Keda informa – Riba e actualizacionnan di e tempo y calor c uta ser emiti pa Meteo Aruba y Autoridadnan local. Sigui na recomendacionnan y tuma e precaucionnan necesario.
Semper hiba cubo un boter di awa - como recordatorio pa bo bebe awa
Vigila e presion den sanger pa sigura bo mes cu e ta conforme na e presion normal.
Corda cu calor intenso por ta hopi peligroso, pesey ta crucial pa bo duna bo Salud prioridad…
Laga nos uza e consehonan aki ya cu nos Bida y Salud ta den nos propio man.
HITS100 FM ta desea bo un fin y comienzo di siman exitoso!
Comments