Lasagna di Keshi cu opcion pa pone Spinazie ,Carni Vegetal , Mushroom of Berehein na bo gusto.
Preparacion: 45 minuut.
Cushina: 2 ora.
Pa: 8 persona.
Por freez e tambe
Yena bo pastanan cu pasta di tomato, e Spinazie, Carni Vegetal, Berehein of Mushroom y Ricotta pa un plato Vegetariano – perfecto pa sirbi un grupo di Famia y Amigonan.
Uza tur combinacion di e ingredientenan na bo gusto y crea bo propio Lasagna Vegetariano.
Nutricion:
Caloria 497
Vet 28 gram
Carbs 34 gram
Proteina 23 gram
Fibre 8 gram
Ingredientenan:
12 pa 16 pida lasagna
Pa e saus di Tomati cu bo preferencia
(sea ta: Berehein, Mushroom of Carni Vegetal)
4 cuchara grandi di zeta di oleifi (Olive Oil)
Si ta Berehein (3 grandi corta chiklito na pida pida)
Si ta Carni Vegetal ( por uza e carni mula vegetariano, of corta e carninan mas grandi na pida pida ,pero no mucho chikito y si ta mushroom por uza esun di bo peferencia sea ta Shiitaki of regular)
2 siboyo mediano corta chikito chikito ( opcional)
2 pida garlic machica (opcional)
2 bleki di 400 gram di tomati corta caba of 800 gram di tomati fresco corta na pida pida segun bo preferencia
2 cuchara grandi di puree di tomati
1 cuchara gradni di sucu caster (sucu hopi fini)
Chilli flakes na gusto
Un par di blachi di Basil corta chikito
Un tiki Soy Sauce
Pa e reyeno di Ricotta
500 gram di Ricotta
50 gram di Parmesan (of keshi vegetarian) corta fini fini
2 webo mediano, bati (geklop)
¼ cuchara chikito di Nutmeg
Pa e saus di Keshi
500 gram di lechi di bo preferencia (sea lechi baca, di aros, oat of almond)
50 gram di hariña regular
59 gram di manteca
100 gram di cheddar adura, raspa
1 cuchara grandi di English mustard
Metodo di preparacion:
Paso 1
Prome cu tur cos traha e saus di tomati cu sea Berehein, Shiitake Mushroom of Carni Vegetal na gusto. Keinta 1 cuchara di zeta den un panchi Non-stick y hasa loke cu bo a escohe den 3 parti, agregando cada bes 1 cuchara di e zeta cu ta poni un banda. Hasa loke cu bo a escohe ;te ora cu e Berehein of Mushroom of Carni Vegetal haya un color manera bruin oro.
Paso 2
Agrega e resto di zeta den e panchi y hasa e siboyonan (opcional) pa 5 minuut te ora nan ta suave. Hinca e conoflo awor aden (opcional) hasa pa 1 minuut mas. Despues hinca e locual cu a escohe sea ta: Berehein, Mushroom of Carni Vegetal cu e tomato fresco, puree di tomato, sucu y e chilli flakes. Laga esaki boil, y despues baha e candela y lage simmer pa 10 minuut. Paga e candela di stoof, hinca y drei e basil y say sauce aden y sason’e na bo gusto.
Paso 3
Mezcla tur e ingredientenan pa e reyeno di Ricotta, sason’e y pon’e un banda – of tap’e y lag’e den fridge sib o trah’e un dia prome.
Tur dos ; loke a escohe y e saus di Ricotta por ser warda sigur 2 dia prome den fridge.
Paso 4
Pa e saus di keshi, agrega tur e ingredientenan den e panchi y cushina riba candela mediano. Drei constantemente, te ora cu e saus bira diki y e keshi a dirti. Despues baha e candela na low y cushina pa 5 minuut mas. Sasona na gusto.
Paso 5
Pone forno na 180 C / 160 C fan/gas 4.
P drecha e lasagna;
Pone mita di e mezcla loke cu a escohe, den bom di un baki di horna.
Tapa full riba dje cu pidanan di lasagna.
Smeer un capa di e saus di Ricotta.
Pone atrobe otro capa di lasagna.
Awor pone riba esey e mezcla di loke cu a escohe.
Atrobe riba dje otro capa di lasagna.
Benta e saus di keshi riba dje. Nota: por freez e saus aki pa sigur 1 luna y ora mester uz’e ta pon’e defrost.
Horn’e pa 50 minuut pa 1 ora, te ora e lasagna ta mustra un color bruin oro.
Por sirbi’e cu:
Stokbrood
Carbanzo pica seco geroost