Tin 10 tipo di kenepa y algun di nan por ser comi tambe.
E mata di Kenepa ta bira hopi bieu y grandi y por alcansa un haltura di 25 meter y su stam pa bira 3 meter di hanchura, e tin blaachinan den grupo y e kenepa tambe ta crece na boshi.
E mata di fruta aki por ta macho of hembra. Ocasionalmente, un flor bisexual aki por ta steril y esaki lo limita e cantidad di fruta .
E pulpo di e kenepa ta di un color oranje, y e ta yugoso y di un textura manera fluweel y gel. E fruta aki por ta dushi of zuur.
E simiyanan di Mamoncillo of KENEPA por wordo gerooster y comi mescos cu simiya di sunflower y di cashupete, pero tene cuidao pa duna Kenepa na mucha chikito pasobra e por pega cu e simiya den su garganta.
Den e partinan di Mexico generalmente e kenepa ta ser comi cu:
chili powder, salo y lamoenchi. Pero e tiponan zoet ta ser comi sin nada riba dje, manera esunnan di Aruba. Na Aruba tin masha hopi mata di kenepa.
Mester tene cuidao cu e kenepa pasobra si e juice cai riba bo paña e ta mancha esaki y ta bira color bruin, e manchanan aki ta permanente.
E nativonan of Arawaknan tawata uza e kenepa pa tiña nan pañanan bruin.
E tipo di mata di fruta aki hopi biaha ta ser planta banda di caminda como un mata di decoracion.
E Kenepa tin :
Vitamina A - ta aumenta e sistema inmunologico y ta preveni piedra
Vitamina B - B1, B3, B6 Y B12
Vitamina C y e tin mineralnan manera Kalki cu ta yuda mantene e Fortaleza di djente y Wesonan
Hero - cu ta yuda cu creacion di e globulonan cora den sanger Fosforo -ta un nutriente esencial cu e curpa tin mester, tambe e ta yuda regula e hormonanan, astma y formacion di e proteinanan
Tambe KENEPA tin: Niacina – Caroteba- Thiamina – Riboflavin - Proteina
Algun beneficio pa Salud di Kenepa :
Hende cu ta lubida hopi ta trek un te di e blaachi di Kenepa pero tambe e te aki ta bon pa cualkier problema di tripa cu un hende por tin.
Un te bon cajente di blaachi di Kenepa ta baha presion halto mes ora.
Pa baha keintura y stop tosamento mester kauw riba e blaachinan di Kenepa.
Tambe pa keintura por bebe e blaachinan getrek y baña cune tambe.
Por traha juice di Kenepa.
Kenepa ta yuda alivia dolor di stoma y garganta.
E ta yen di fibra pues e ta evita barica cera y pa baha colesterol.
E ta yuda e sistema blaas pa actua adecuadamente.
E ta anti-canceroso, cu ta yuda preveni cancer.
E tin Triptofano cu ta duna un efecto calmante natural cu ta induci soño; e Aminoacid aki tambe ta esencial pa combati ansiedad y ta yuda kima mas vet.
E presencia di LISINA den Kenepa ta yuda cu Herpes na lip y ta reduce ansiedad, e ta preveni Herpes y ta proporciona gran alivio den e membrane/cuero.
Si bo tin spinia, peishi y punta preto riba bo cuero, Kenepa tin e cualidadnan pa lucha contra esaki y tene bo cutis limpi y sin marcanan desagradabel.
Kenepa ta yuda kita astma y e reaccionnan inflamatorio por completo.
Kenepa ta anti-diabetico y e presencia di algun protein particular den dje ta mantene e sucu den sanger den ekilibrio of insulina – glucosa.
E fruta aki ta yena cu antioxidantenan (contene fenolico) cu ta yuda pa e sistema cardiovascular traha corectamente y ta aumenta nos sistema inmonologico.
Ta yuda pa perde peso.
E ta brinda alivio na cualkier inflamacion di carni di djente of enfermedadnan di esaki.
Kenepa ta preveni formacion di piedra den galblaas.
Kenepa ta neutrliza e bacterianan no desea den nos curpa y den otro microorganismonan
Ta yuda cu algo hopi importante cu ta e creacion di e globulonan cora den sanger.
E ta yuda preveni ulcera na stoma.
Ta yuda preveni bronkitis.
E ta preveni Osteoporosis y otro complicacionnan relaciona cu edad.
E ta yuda bo curpa pa saca e radicalnan liber.
E ta trata insomnia miho cu cualkier remedi receta.
Kenepa tin suficiente hero pa combati mareonan.
Kenepa ta yuda normalisa e nivelnan di neurotransmisornan.
Ta kita parasitonan di den bo curpa.
E ta boost inmunidad y stop e bacterianan malo.
E ta combati enfermedadnan di pulmon y di blaas.
E ta yuda e riñonnan.
E ta stop anemia pasobra e ta traha mas globulonan cora den sanger.
E ta baha cholesterol y triglycerides.
E ta cura condicionnan di cuero.
E tasana enfermedadnan di carni djente.
Y pa e hende muhe:
Ta yuda e hende muhe durante menstruacion pa calma algun efecto secundario psicologico.
Kenepa ta yuda reduci precion den sanger y hypertension durante menstruacion cerca e hende muhe.
Y durante e dianan prome cu menstruacion Kenepa ta mehora e estado di animo cerce e hende muhe
Su simiyanan
Por uza su simiyanan como alternativa en bes di hariña di yucca pa horna cu ne.
Esimiyanan horna y broiled por wordo comi como noot. Nan tin un dushi sabor.
E polvo di e simiya machica mezcla cu honing ta elimina diarea.
E fruta aki ta hopi bon pa come tur dia pa un Salud excelente!
Hopi probecho cu e dushi fruta KENEPA!