Haci awa lauw bo prome nutricion di dia, mainta entre 6 or y 7 or. 3 bes pa siman ta bon pa añadi lamunchi den e awa cu bo ta bebe, e ta yuda extra, su vitamina C ta excelente pa bo digestion y pa kima e vetnan cu ta acumula na bo barica y cintura.
Come calidad y no cantidad, mainta fruta en bes di pan ta miho y merdia mas berdura den bo plato ta ideal. Limita keeshi y cuminda hasa.
Evita bebida of snacknan cu hopi sucu. E calorianan di e productonan ey no ta bale la pena, awendia tin hopi variacion di bebida cu menos sucu cu ta bon pa bo salud.
Escohe pa come algun berdura cu hopi fibra, nan ta kima vet di barica; Esparagus, Sprouts, frutanan citrico manera Apelsina y nuts manera Almond y Walnut.
Stima bo mes, haci ehercicio, scoge bo dianan di cana of haci ehercicio y mantene e disciplina di cumpli cu e programa di movecion cu bo a traha pa bo mes.
Limita of si por elimina consumo di alcohol, su efectonan negativo pa bo salud ta mas cu algun sensacion of efecto temporal.
“Treat but not Cheat”; si bo kier come un snack cu tin sucu, manera un Bolo, Chuculati of un Ijscream, come un tiki of pida chikito y no cantidad. Sea contento cu bo por snack de bes encuando, inteligente.
Unda cu bo bay shop, evita di para serca di entrada, para mas leu posibel pa bo por probecha cana, haci movecion mas biaha pa dia.
Scoge pa come mas, Lentel y varios tipo di bonchi, nan fibra ta excelente pa bo salud y ta yuda kima vet cu no ta necesario den curpa.
Sea contento cu bo ta consciente di bo salud y aparencia, motiva bo mes.