E 10 Benficionan di Campamento of Buitendag


Mayoria di hende ta bay campa pasobra nan ta cansa di cas y nan ta cla pa un aventura. Si bo ta gusta sali pa un buitendag, core bicicleta, cana, core of hasi cualkier otro actividad den aire liber, campamento ta ofrece bo un alternativa pa bo enfoka completamente riba un hobby pa un par di dia den naturalesa.

Loke nos no ta realisa ta, cu campamento of recreacion den naturalesa ta yuda nos biba mas largo y mas saludabel y tin diferente beneficio.


1. AIRE FRESCO

Ora nos ta pasa tempo den vecindario di hopi palo y matanan, nos ta hala hopi oxigeno aden. E sentimento di felicidad ey , cu bo ta haya ora bo dal bo prome rosea den aire na e sitio di campamento no ta solamente den bo cabes so e ta – wel tecnicamente si- pero esaki ta un liberacion/manifestacion di e extra oxigeno.

Nos curpa por funciona cu menos stress ora tin abundancia di oxigeno. Esaki no ta e unico beneficio di aire fresco. Investigacionnan ta mustra cu ora nos ta pafo den aire liber pa un tempo esaki ta mehora nos presion di sanger, mehora nos digestion y duna nos sistema di inmunidad un extra empuhe. Ora nos pasa un par di dia pafo, nos ta haya un par di beneficionan di gran balor pa nos salud di e extra oxigenoy nivelnan abao di polucion.

2. SOCIALISACION

Si bo ta campando bo so, bo ta diberti bo mes hopi! Pero si bo trece un amigo of un famia, bo lo disfruta di un experiencia unico hunto cu nan, cu lo yuda bo pa keda mantene un relacion feliz. Ora cu nos socialisa nos ta expande nos bida y problemanan di memoria, segun investigacion publica den American Journal of Public Health.


3. MIHO BEIS, ANIMO

Algun hendenan cu ta gusta campa semper lo conta con dushi e prome biahanan cu nan a cuminsa campa tawata ta. Di berdad ora cu nos pasa tempo den solo esaki lo hisa hasta nos nivelnan di melatonin den nos celebro, cu ta e kimico cu ta laga bo sinti cansa y deprimi, pues campando esaki ta dunabo e oportunidad di experencia diferente animo y beis durante bo trip.


4. MENOS STRESS

Campamento ta permiti bo pa deal cu e stress. Stress por afecta bo salud di tur forma posibel, y ora cu bo hasi ehercisio y weganan fisico den aire liber esaki ta baha e stress. Stress den bo curpa kiermen falta di oxigeno; nivelnan halto di serotonin y melatonin cu ya nos a menciona.

Ta hopi dificil pa un hende haya mal beis ora e ta hasiendo algo cu e ta disfruta di dje.


5. EHERCISIO Y RECREACION

Durante recreacion of campamento tin hopi actividadnan fisico ta tuma luga. Hasta si bo bay landa of pisca bo ta kima mas caloria cu sinta den bo oficina. Y ora bo core bicicleta y cana bo ta hasi ehercisio y bo lo tene bo curason y pulmon saludabel. Pesey bo apetit ta grandi ora cu bo bay campa.

6. SOLO

E rayonan di solo ta sinti excelente riba bo cuero , y esey tin su splicacion. Ora cu bo ta den solo bo ta haya hopi vitamina D riba bo curpa cu ta absorba calcium y phosphosous.


7. UN BON SOÑO/DECANSO DI ANOCHI

Despues di un dia yena cu actividadnan fisico lo bo cay drumi masha lihe

mes. Un bon soño ta afecta e proceso di bo curpa pa reduci inflamacion,

mehora bo sistema cardiovascular y yuda bo pa ta alerta. Hopi hende cu ta

bay campa, ta bisa cu nan ta drumi miho despues di un dushi campamento

of activdad di recreacion den naturalesa.


8. BON CUMINDA

Ta recomendabel pa come cuminda saludabel durante bo dianan di actividad of recreacion. Tin hopi otro opcion saludabel cu bo por escoge, si bo ta scoge pa BBQ trata di evita cu e carninan ta kima riba e grill.


9. RETONAN NOBO

Ningun biahe di buitendag of campamento ta mescos y esey ta algo bon. Estudionan ta mustra cu experiencianan nobo ta trece cune un celebro saludabel. Actividadnan nobo tanto fisico como intelectual ta stimula e efecto di mas grandi riba e celebro; y campamento ta fit den e criteria aki.


10. MEDITACION

Ora nos ta bay campa of buitendag pa recrea cu amigonan, no lubida di paga bo telefon cellular. Laga e tablet y e laptop na cas. Purba di desconecta pa algun dia y disfruta di e bida simpel y natural ey fo. Esaki no ta solamente un tip general pa yudabo disfruta di e experiencia ; si bo ta dispuesto pa disfruta di bo ambiente sin distraccion, lo bo por alarga bo bida. Jon Kabat-Zinn fundador di e programa Mindfulness-Based Stress Reduction , ta kere cu pagando bo cellular y intercambia cu naturalesa ta un di e formanan mas simpel pa haya e beneficiona saludabel di meditacion. Si bo ta sufri di; deprecion, cansancio, enfermedadnan di curason of hasta alergianan, e studio aki ta mustra cu sali cu amigonan pa recreacion den naturalesa of campamento ta mehora bo salud en general.