Durante pandemia bo por subi di peso facil?

Updated: Aug 20


Si hopi facil bo por subi di peso, pasobra bo ta mas na cas cu riba caya. Un investigacion a ser haci y ta indica cu 61% di esnan encuesta a aumenta di peso durante di e pandemia.


Con bin?

23% a bebe mas alcohol pa motibo di stress y mayoria a habri refrigerador mas biaha cu normal rondiando cos di come. Manera ya ta conoci, subi di peso ta aumenta bo riesgonan pa malesa cronico y tambe si bo haya Covid-19 e lo afectabo mas severo cu otro personanan. Awor kiko pa haci pa no subi di peso? Nos ta recomenda sali bay cana sea den linear Park na Oranjestad of otro areanan di cana manera na San Nicolas y tambe na Malmok, canamento ta sumamente saludabel. Cana cu un velocidad di 3 of 4 KM pa ora durante 30 pa 45 minuut, esey ta un velocidad y tempo pa haci un impacto efectivo riba bo salud. Cada bes cu bo haya gana di come, bebe awa, hopi biaha no tin hamber nos tin sino gana. Y pa gana nos ta peca hopi biaha come di mas come cosnan cu ta pone nos aumenta di peso. Enbes di bebe alcohol pa kita stress opta pa bebe un thee di Chamomile(Kanebloem), di Mint of di Toronjil.

Recent Posts

See All

Tips pa Weekend cu bon Salud Mental y Fisico

Drumi suficiente. Evita Alcohol. Sali mainta of atardi y bay cana den naturalesa. Scohe un dia pa bay habri bo dia mainta na un di nos bunita playanan. Pensa riba algo nobo pa haci manera lesa un buki