Pasobra segun estudio haci, e vibracion di bida den naturalesa tin un forsa vibratorio di harmonia y paz cu ta influencia e sistema nervioso, fisico y mental di hende positivamente. Tin diferente nivel cu bo por experiencia naturalesa:
Door di mira naturalesa riba un screen di un telefoon, computer, television of imprimi riba un poster of buki.
Cu bo curpa mes, presente observando naturalesa y
Door di traha den hardin di bo cas of cana y haci ehercicio den naturalesa.
Tin evidencia cu na tur tres manera di experencia naturalesa ta crea un conexion via e sentidonan humano cu bo sistema nervioso, mental y spiritual. E efecto ta un sentido di paz y harmonia cu ta produci un energia hopi positivo den bo curpa. Pesey mes awendia “Green exercise” ta birando algo hopi popular. E presencia y experiencia den harmonia cu naturalesa ta produci e kimiconan natural den bo curpa: Endorphin, Dopamin, Oxytocin y Seratonin cualnan ta combati stress y problema di Salud Mental. Bo ta sinti alivia, liber y feliz. Pesey probecha den bo tempo liber di conecta cu naturalesa, bay bo mes y disfruta e harmonia y conexion cu Mama Naturalesa, e ta hopi bon mes pa Salud Mental.