Bo mentalidad ta afecta tur aspecto di bo bida. Sea den bo carera profesional of den bo bida personal. Tin un mentalidad adecua por hasi e diferencia entre exito of fracaso. Si bo persona ta experiencia stagnacion den bo carera of bida personal, ta momento pa evalua e mentalidad. Segun Carol Dweck, Psicologo di Universidad Standford, tin dos tipo di mentalidad cu un persona por adopta: ‘Growth Mindset’ (Mentalidad di Crecemento) y Fixed Midset’ (Mentalidad Fiho). Tur persona ta un mescla di ambos mentalidad. E mescla aki ta evoluciona continuamente cu experiencia.
Mentalidad di Crecemento y Mentalidad fiho: Cua ta e diferencia?
Un persona cu mentalidad fiho ta aleha di retonan of ta evita di tuma riesgo hopi biaha pasobra tin miedo di fracaso. Mientras cu un persona cu mentalidad di crecemento ta pusha pa sali fuera di su zona di confort y mira retonan como algo interesante, sabiendo cu lo siña algo nobo si fracasa.
Pues, un mentalidad di crecemento ta esencial pa exito profesional pasobra e ta yudabo mantene competencia den e mercado laboral, bira un lifelong learner, bira mas resiliente y supera obstaculonan. Ademas, e mentalidad aki ta yuda mantene bo actualiza den tendencianan y tecnologianan nobo y tambe na e posibilidad di siña habilidadnan nobo.
Aki 4 tips clave pa desaroya un Mentalidad di Crecemento
Elimina e voz interno negativo y acepta eror of fracaso como parti di e proceso. Cambia pensamento nan manera “ Mi no por” pa “Mi por logra, si mi sigui traha riba dje”. No subestima e habilidad di ta capas di surpasa obstaculo.
Bisa “SI” ta habri porta pa oportunidad nan nobo. Esaki ta encera sali fuera di bo zona di confort.
Busca Feedback of critica constructivo. Personanan cu kier crece tin e tendencia di pidi feedback y balora critica constructivo. Esaki lo duna un perspectiva di kico ta bon den dje y kico falta pa mehora.
Probecha di e poder di e palabra “ainda”. Desaroya un mentalidad di crecemento ta trata di compronde cu bo debilidadnan ta fortaleza cu ainda no a desaroya completamente.