Curacao ta haña nan revancha contra Honduras despues di perde e partido entre nan dos diabierna 1-0, ganando e biaha ki 2-1 na Honduras den Grupo C di Liga A di Concacaf Nations League na e Estadio Olimpico Metropolitano na San Pedro Sula, Honduras. Esaki tabata Curacao su di dos victoria contra un ekipo di Central America, e otro tabata durante Gold Cup na 2019. Elson Hooi ta dal e palo di gol den e di prome minuut dje partido. Tabata Curacao cu ta habri e partido cu un gol den di 34 minuut, ora cu defense di Honduras ta purba di deshaci di bala for di e area penal, pero e bala ta cai na pia di Leandro Bacuna cu ta curvia un bunita tiro cu su pia links pa haci e partido 1-0.
Na half-time, entrenador di Honduras Diego Vasquez ta haci tur cinco cambio pa cuminsa segundo mitar. Curacao tabata tin pasenshi como den segundo mitar Honduras a buska di domina posesion di e bala, Curacao tabata buska e opportunidad pa e contra-atake. Despues cu Honduras ta perde posesion di e bala den di 82 minuut, Curacao ta anota e gol di aseguransa ora cu Anthony van der Hurk ta lansa un tira cu su pia drechi cu ta haci e partido 2-0. Den tempo extra, Quioto di Honduras ta anota un tremendo tiro liber pa haci e partido 2-1.