Oranjestad, Aruba
SKOA ta informa cu mayornan ainda por inscribi nan yiu(nan) cu ta bay haci 4 aña e aña aki. E ta importante pa inscribi na tempo pa asina sigura nan luga pa e aña escolar 2024 -2025 paso e cuponan ta limita.
Mayornan por scoge pa inscribi nan yiu(nan) na un di e diferente scolnan di kleuter cu ta resorta bou di SKOA. Pa haya un bisti di tur e scolnan di kleuter por bishita
Con bo por inscribi na SKOA?
Por inscribi via nos website www.skoa.aw completamente online. Por inscribi via email door di manda SKOA un email na aplicacion@skoa.aw. Por inscribi via WhatsApp door di manda un mensahe directo na +297 7485995 y sigui e proceso pa completa e inscripcion. Pa mayornan cu ya caba tin yiu inscribi na SKOA por haci inscripcion di e yiu cu tin cu cuminsa kleuter via nos systema di SAS. Ora di inscribi mester pone bon atencion ariba e documentonan cu ta necesario pa asina por cumpli cu e proceso di inscripcion di bo yiu.
Mayornan cu inscribi nan yiu ta haya un periodo di 6 siman pa asina por cumpli cu e prome pago of pago completo di schoolgeld pa e aña escolar venidero. Despues di 2 siman, si e pago no a wordo completa, e cupo di inscripcion ta wordo cancela cu consecuencia cu no lo bay tin un luga sigura pa e yiu cuminsa kleuter e proximo aña escolar.
Si ta desea mas informacion tocante inscripcion na un scol di kleuter di SKOA por
bishita e website www.skoa.aw of por yama na liña directo 5231800 den orario di
oficina. Nos ta recorda mayornan cu ta interesa pa haci inscripcion na tempo paso e cuponan pa kleuter ta limita pa proximo aña escolar.