12 di October tawata Dia Mundial di Artritis Reumatoide
Universidad di Harvard ta ofrece 5 conseho pa evita cu artritis ta interferi den bo caminda.
Artritis reumatoide ta ser caracteriza pa e inflamacion di e jointsnan y e ta manifesta su mes principalmente na man y pianan, aunke e por afecta tambe otro areanan den bo curpa manera columna cervical, elleboog y rudiyanan.
Ta comproba cu den cada 100.000 adulto mayor di 16 aña arthritis ta afecta e hende muhe mas tanto.
E enfermedadnan aki ta presenta hopi sintomas fisico, pero tambe nan por provoca ansiedad of depresion, influyendo den e bienestar emocional y psicologico di e pashentnan, y pesey semper ta bon pa bishita un specialista di salud mental pa haya un diagnostico realistico. Artritis por ta un enfermedad tanto genetico como ambiental.
Di otro banda e sistemanan inflamatorio por afecta tambe; e curason, pulmon, riñon, cuero y bista entre otro.
Cinco conseho di e Universidad di Harvard ;
Ahercicionan cu henter mundo mester practica pa mantene e curpa y mente sano.
1. Sigui Move (den movimento).
Evita di mantene un mesun posicion durante demasiado tiempo. Ora bo ta traha asinta tras di un escritorio/lessenaar, por ehempel, lanta y rek e curpa y pianan cada 15 minuut. Haci e mesun cos mientras bo ta sinta tambe na cas por ehempel lesando of mirando television.
2. Descubri bo forza.
Pone bo joints y musculonan traha mas fuerte. Pa proteha bo jointsnan di bo dede y polsnan, habri portanan pisa cu e banda di bo brasa y bo schouder. Pa reduci e stress di bo heup y rudiya, ora di subi y baha trapi; subi cu e pia fuerte y baha cu e pia debil.
3. Planifica cu anticipacion.
Simplifica y organisa bo rutinanan pa minimalisa e movimentonan cu ta dificil of doloroso; door di pone tur artefacto/producto y basora y utencilionan pa hasi limpieza of pa bo hobbynan etc. cerca riba un caroshi pa bo no tin cu cada bes move bay busca unda nan ta. Preferibelmente pone un set den cada baño/ cushina, washok por ehempel.
4. Probecha di e dispositivo of simpel artefactonan cu ta yudabo den bo limpiesanan diario y cu ta spaar bo energia pa move ; por ehempel cushina, traha den cura,hasi obra di man, hasta pa bisti bo paña. Uza e tongnan largo di cushina; por ehempel, ta diseña pa coy obhetonan cu ta leu for di bo alcance. Tambe gripnan di rubber ta yuda hopi bon pa habri y cera kraanchi, tene un pen,skeiro di djente y cuchiu cu forki. Boticanan y shapnan cu ta bende remedi y tambe online tin un variedad di productonan cu ta yuda cu arthritis.
5. Pidi ayudo.
Personanan cu artritis hopi biaha ta preocupa nan mes cu tin e posibilidad cu nan mester bay depende riba otronan. Pero solamente un porcentahe hopi chikito di personanan cu artritis ta keda gravemente descapacita. Asina mes, e carganan emocional di artritis por ta considerabel.
Educa tur famia y amigonan con e arthritis ta afecta bo y no tene miedo pa pidi ayudo ora cu tin mester.
Un Extra Conseho di Hits100FM
Bebe Awa lauw mainta na yuna; e ta yuda cu bo sanger ta cuminsa circula mas trempan, eleminando substancianan toxico di bo sanger trempan. E ta yuda pa brinda e synovial fluid cual cual ta haci bo jointsnan ta move mas confortabel. E ta yuda pa mainta caba transporta nutrientenan pa bo celnan y stimula crecemento di Cartilidge. Bebe Thee algun biaha pa dia tambe ta masha saludable pa esnan cu ta sufri di Artirities; e ta trece hidratacion pa bo curpa y nutrientenan importante.