Concomber Rubiano Stoba


Concomber Rubiano Stoba ta un cuminda hopi saludabel, popular y hopi gusta den e pueblo di Aruba. Cunukeronan al igual cu hendenan cu tin nan hofi ta planta y cosecha nan concombernan. Y awor hasta nos bishitantenan a custumbra cu nos platonan crioyo, y asina cu nan yega Aruba nan ta puntra pa bay come cuminda Crioyo. Pesey cu hopi orguyo nos tey un bes mas c’un otro dushi receta pa comparti.


Pa 8 persona


Ingredientenan:

  • 1 liber di carni salo of un otro tipo di carni di bo gusto cu no ta hopi sala.

  • 3 liber di carni baca of di carne. Nota: esnan vegetariano ta prepara e carni vegetal, papaya berde of tofu hasa por ehempel.

  • 1 liber di batata corta na dauw y herbi caba.

  • 6 – 8 cup di Concomber.

  • 2 siboyo corta chikito (opcional).

  • 2 pida konoflo machica (opcional).

  • 1 bleki di 14 ons di Tomati.

  • 2 Promenton (cora of geel) corta chikito chikito.

  • 8 cuchara grandi di margarina.

  • 1 cuchara grandi di Tomato Paste.

  • 1 cuchara grandi di sucu (opcional).

  • Ground Nutmeg na smaak.

  • Black Pepper na smaak.

  • Dried Parsley y Basil na smaak.

  • Worcestershire Sauce na smaak.

  • Maggi Sauce na smaak.

  • Blokki di bouillon di carni na smaak.

  • Garlic y onion powder na smaak (opcional).

  • Salo na smaak.



Paso 1

E concombernan ta wordo laba y ta kita e pida Stengel for di dje.

Corta e concomber den 4 of 6 pida den su largo, y purba kita mas tanto simiya cu ta posibel for di den e concomber.

Paso 2

Pone tur e concombernan corta caba den un weya grandi y agrega e conoflo y e siboyo powder, nutmeg, Worcestershire, magi, e salo y pepper na smaak.

Paso3

Pone e carni salo den un weya grandi y pone suficiente awa pa tapa e carni. Pone herbe te cu e boil, benta e awa afo y bolbe pone awa y herbe di dos biaha; pa saca e salo cu tin di mas for did je.

Paso 4

Riba un candela chikito pone e carni di carne of di baca cu e siboyo, promenton y conoflo. Agrega e tomatinan y simmer pa mas o menos 15 minuut , te ora cu e carninan ta casi cla.

Paso 5

Agrega e concomber y simmer pa un 10-15 minuut adicional.


Paso 6

Agrega e batanan corta na dauw y herbi caba, tomato paste y margarina y drei tur cos hunto.

Sirbi’e cayente.

Nota: Por sirbi’e cu : Aros, Pan Bati, Banana segun bo preferencia.


Bon apetit!