Con pa Sinta Corectamente na bo lessenaar pa un Curpa Sano


Aki un par di Conseho, si bo ta sinta hopi dilanti bo computer.

Apoya bo Lomba:

Reduci dolor di lomba, ahusta bo stoel pa bo lomba ta bon apoya, pasobra esaki ta hopi importante pa reduci e presion riba bo lomba.

Busca un stoel cu ta facil pa maneha y pa cambia haltura y posicion.

Ahusta bo stoel:

  • Bo pols mester ta horizontal y parallel cu e vloer

  • Bo elleboog mester forma un L na cada banda di bo curpa

  • Bo rudianan mester ta un tiki mas halto cu bo heupnan

  • Uza un apoyo/banki/step pa bo pianan , si ta necesario

Sosega bo pianan riba vloer

Pone bo pianan plat riba vloer; e nivel mester ta confortabel.

No crusa bo pianan, pasobra esaki por contribui na problemanan relaciona cu bo postura.

Pone bo screen na e nivel di bo wowonan

Pone bo screen na un distancia di largura di bo brasa y na haltura di bo wowonan.

Un monitor stand lo yuda hopi, y evita cu e screen ta mucho halto of abao sino bo mester dobla bo nek mucho y esaki ta hopi inconfortabel.

Pone bo keyboard precies bo dilanti

  • Ora bo ta type ta importante pa e keyboard ta net bo dilanti

  • Tene bo brasanan den forma L

  • Algun hende ta gusta uza un apoyo pa e pols na e mesun nivel cu e toetsnan

Tene bo Mouse cerca banda di bo

Un mouse pad tambe ta yuda pa tene bo pols stret y evita movecionnan straño.

Evita refleccion di e screen

Si esaki ta e caso, pone un spiel su dilanti pa wak kiko ta caus’e.

Si ta luz di solo of di e lampinan paden uza blinds.

Ahustando e brightness of constrast riba bo screen tambe ta yuda hopi.

Evita di bisti bril bifocal

Esaki ta pa evita cu cada bes bo ta lanta y baha bo cabes pa bo wak apropiademente riba e screen. Si ta bira demasiado inconfortabel consulta cu bo opticien pa un diferente tipo di bril.

Pone tur obheto na bo alcance

Obhetonan manera; bo nietmachine, telefoon etc., facil pa yega nan nan.

Evita cu cada bes bo mester stretch y bira bo curpa di tur sort’i forma pa yega na nan.

Evita tension di telefoon

Si bo ta pasa hopi tempo na telefoon, purba cambia bo hand-set pa un head-set.

Purba di tene e telefoon duro constantemente entre bo horea y schouder ta trece hopi tension den bo nek.