Directiva di Comite Olimpico Arubano (COA) a firma dialuna ultimo na Notaris kantoor M.J.C. Tromp e traspaso oficial di e oficina riba Vondelaan. Na e ocasion aki tabata presente Presidente di COA, Sr. Roy Mezas hunto cu Secretario General, Nicole Hoevertsz y tambe Tesorero, Edwin Roos. Propietario nan di e edificio, Ricardo Wever y Sra Lucia Wever a firma pa oficialmente pasa e edificio over.
Pa Comite Olimpico Arubano awo e trabou nan ta inicia p’asina duna e oficina e toke olimpico, caminda cu ora ta pasa riba e careteranan di Vondelaan ta reconoce esaki di biaha.
Compra di e edificio tabata posibel danki na un aporte financiero di Comite Olimpico Internacional y Pan Am Sports cu a aporta pa asina COA por tin su propio sede.