Awe nos ta presenta en especial e Club Sandwich Vegetariano pero tambe otro tipo di Veggie Sandwich nan. E sandwich ta un opcion asina facil y nutritivo alaves.
Nos lo duna e Club Sandwich tradicional un toke vegetariano y moderno, combinando hummus, tomato, watercress, alfalfa , awacati y wortel.
Pero tambe bo por uza e pan blanco of bruin regular di bo gusto.
Por escohe bo preferencia di diferente sorto di pan tambe, sea ta:
stokbrood regular of esun Rustique, Spelt, Ezekiel , meer granen etc.,
Un dushi pan Vegetariano saludabel tampoco no ta baha malo, especialmente ora cu bo trah’e cu e pan di bo gusto.
Preparacion:
Ta tuma 10 minuut
Ta facil
Pa un (1) persona
299 Caloria
50 Carbs
15 gram di sucu
7 gram di fibra
11 gram di proteina
1.5 gram di salo
Ingredientenan:
3 slice di pan granary/ pullman
1 man yen y grandi di watercress
1 wortel, pela y rasp’e peor lag’e na pida pida chikito
Primi e juice di un mita lamunchi
1 cuchara grandi di zeta di oleifi
2 cuchara di dessert di Hummus cu vet reduce
2 tomati mediano diki geslice
Metodo
Toast e pan.
Mientrastanto mezcla e watercress, wortel, juice di lamunchi y e zeta di oleifi hunto.
Den un comchi chikito hunta e hummus cada banda di un slice di pan y pone e slice di tomato riba dje.
Despues como ultimo pone e slice final di pan riba dje
Primi e sandwich un tiki y cort’e den 4 pida.
Por wanta e pidanan cu un toothpick pa nan keda hunto te ora cu sirbi e sandwich.
No tene miedo di crea bo propio estilo di Club Sandwich of pan. Tin tanto ingredientenan saludabel cu por wordo uza pa prepara bo pan saludabel tan gusta.
Manera:
Awacati, concomber,ham ,turkey Vegetariano of otro carni vegetal di bo gusto, lechuga Romaine of Kropsla y diferente di dressing pa bo trece un sabor aparte den bo pan.