Tips pa un Safe Halloween

7 TIPS pa Celebra bo Halloween sigur y cu diverticion

1. Bo por scoge pa organiza un fiesta virtual di disfraz y invita amigonan pa participa.

2. Si bo ta prefera un fiesta na cas, mantene e “Trick or Treat” pafo di cas den aire liber, unda cu e riesgo di infeccion ta menos y cu e grupo di invitadonan, ta hendenan cu bo conoce bon of di famia. Sigura bo mes cu e tur e personanan aki ta vacuna of a test negative 24 ora promer cu bo fiesta.

3. Traha y pinta e mondkaphje como parti di bo disfraz: E tapaboca lo reduci e riesgo di transmisión. Uz’e tur momento cu bo ta rond di otronan.

4. Partimento di cos dushi: Prepara un mesa pafo di cas unda cu muchanan por pasa piki un cos dushi y sigui. Evita lugarnan hopi bishita y no mezcla cu hopi personanan diferente hunto, especialmente si nos ta deconoce nan estado di vacunacion.

5. Cortamento di Pampuna na cas den Famia: Haci esaki semper bao supervision di adultonan. Por hasa e simiyanan di e Pampunanan pa come como snack delicioso y saludabel.

6. Peliculanan espantoso: Si tin plan pa keda na cas, celebra un anochi di pelicula di Halloween den famia y considera bisti na bo personahenan favorito.

7. Recetanan pa traha na cas durante Halloween. Si dicidi pa traha cos dushi na cas mes, considera pa traha nan cu menos sucu. Evita di come productonan traha na cas di otro hende cu bo no conoce. Popcorn ta un alternativa practico, saludabel y sabroso pa fiesta di Halloween.

• Semper percura pa tin cubo handsanitizer si acaso no tin e oportunidad pa laba mas cu awa y habon.

Un momento di enseñanza

Purba splica bo yiunan di e protocol y reglanan di seguridad y otro cambionan durante e Pandemia por resulta hopi dificil; pero no tin nodo di ta asina tampoco.

Considera esaki como un oportunidad pa siña nos yiunan e importancia pa sa di e enfermedadnan infeccioso, y pa cuida nan mes y otronan. Nos tur mester tene cuidao pasobra e Pandemia ainda no a termina.

PASA UN HALLOWEEN SIGUR Y CONTENTO ¡