Brownies di Chuculati y Bonchi Preto

Updated: 7 days ago


E dushi brownies nan aki ta ideal pa ofrece na famia y amigonan. Lo bo disfruta di regala especialmente bo hendenan cu ta vegano of vegetariano.

Boonchi preto ta reemplaza e hariña gluten free y e receta aki ta un treat cu un sabor intense di chuculati.

E dessert aki por wordo sirbi cu: raspberries, "non dairy whipped cream", of hasta cu yoghurt y ice-cream non dairy.

Y algo hopi importante ta, cu e dessert aki ta yuda contribui na mantene bo peso!


Preparacion y duracion

  • Preparacion: 20 minuut

  • Pa cushina plus fria: 25 pa 30 minuut

  • Facil

  • Bo ta saca 16 pa 20 pida for di e batch aki

  • Por Freez

  • Gluten-free


Nutricion: pa brownie (20)

caloria 202

vet 13g

Vet saturata 7g

carbohidrato 15g

sucu 11g

fibra 3g

proteina 5g

salo 0.6g

Ingredientenan

  • Zeta di sunflower, pa grease e panchi

  • 2 x 400g bleki di bonchi preto y scuri e awa

  • 1 cuchara grandi (tblsp) di vanilla extracto

  • 6 webo grandi of 10 webo chikito

  • 200 gr Manteca suave na pida pida

  • 200 gr di "light muscovado sugar" of sucu bruin

  • 100 gr puiro di cacao

  • 2 cuchara chikito di baking powder "gluten free"

  • 85 gr di chuculati puro of puur, corta na bloki

Metodo

PASO 1

Keinta e forno na 180C/160C fan/gas 4. Grease e panchi di brownie di 20 x 30cm y pone e papel di forno den dje. Blend den blender of hand mixer e bonchi y vanilla, 1/2 cuchara chikito di salo y 2 webo Gr of 3 chikito te ora esaki ta di un textura suave.

PASO 2

Pone e Manteca, sucu, cacao y e resto di webonan den un baki di stainless steel / bowl rondo grandi.

Klop cu un hand mixer te ora e textura ta cremoso.

Nota: Cuminda cu un speed abao y gradualmente lanta e speed; pa e puiro di cacao no bula rond mucho!

Despues tira baking powder aden y sigui mezcla.

Despues tira aden tambe e mezcla di bonchi y tambe e blokinan di chuculati.


PASO 3

Cu un spatula basha e textura den bo panchi pa bay forno.

Ya cu bo forno keinta pone bo panchi aden pa 25 minuut, te ora cu e ta firme ora bo check e / mishi cune.

Despues lag’e fria riba un reki di metal.

Awor bo por cort’e na vierkant.


Por tene e brownies nan fresco den un bleki bon tapa, pa sigur un par di dia afo na temperature normal y 1 siman den fridge.


Ta combina bon cu:

  • Ice cream of Yoghurt vegan di Vanilla cu Raspberries.

  • Por sirbi’e cu Non Dairy Whipped cream tambe.

  • Mermelada di Appelsina (Opcional pa esnan cu un paladar diferente: e casca di appelsina un tiki marga ta combina hopi bon cu e sabor dushi di e brownie).

Bon Apetit!