Bolo Vegano di Ginger


Un dushi treat pa e dianan di Fiesta

No ta importa si bo ta Vegano of no, e bolo aki ta asina suave y un berdadero delicia. Lo bo gust’e.


Preparacion y tempo pa cushin’e

Preparacion: 15 minuut

Pa Cushin’e: 45 pa - 50 minuut

Pa: 8 – 10

E ta facil pa traha

Por Freez e, y e ta liber di webo y lechi.

E ta un bolo Vegano y Vegetariano.


Nutricion: Pa porcion/slice (1 bolo ta saca 10 slice)

Caloria 353

Vet 11 gram

Vet Satura 1 gram

Carbohidrato 61 gram

Sucu 40 gram

Fibra 1 gram

Proteina 3 gram

Salo 0.4 gram


Ingredientenan:

  • 100 ml di zeta vegetal/vegetable oil, plus un tiki extra pa pone den e baki hero pa bay forno.

  • 275 gram di hariña cu elevadura/self-raising flour

  • 150 gram sucu muscovado color scur

  • 1 cuchara chikito di baking powder

  • 1 cuchara chikito di ginger mula/ground ginger

  • 50 gram di treacle - tambe yama black treacle of blackstrap Molasses. Molasses ta esencialmente loke ta resta, despues cu a herbe e sucu di caña y cu mayoria di e sucu a ser saca for di dje.

  • 50 gram di stem ginger di boter fini machica of den blender

  • 1 cuchara chikito di siroop di Ginger

  • 150 gram di sucu pa blancha  

  • ½ juice di lamunchi

  • 4 pida di stem Ginger cristaliza y gesliced


Metodo

PASO 1

Keinta e forno na 200C/180C fan/gas 6. Zeta bo panchi di forno di pan 900g (19 x 9 x 6cm) y pone e waxpaper di horna aden.

Mezcla e hariña, sucu muscovado, baking powder y e ground ginger hunto den un comchi/bowl grandi .

Smeer/hunta e zeta, treacle, e stem ginger geblend y 170ml awa frieu.

Despues mezcla tur cos hunto uzando un cuchara di palo, te ora e bira suave.


PASO 2

Basha e mezcla den e panchi di forno y horna esaki pa 45-50 minuut den e center di e forno.

E bolo ta cla ora cu e toothpick of palo di satee sali liso y limpi bek sin ningun hariña na dje. Hinca e palo di satee meymey di e bolo pa check si e ta cla.

Despues cu a saca e bolo for di forno; lag’e fria pa 5 minuut of mas riba un reki di metal pa e fria completamente.


PASO 3

Sifta e sucu den un comchi, agrega e siroop di ginger y mezcla e juice di lamunchi aden net p’e bira un substancia un tiki diki, pa por bash’e riba e bolo sin cu e ta mucho awa (test e riba lomba di un cuchara).

Pone e bolo riba un pedestal/stand, kita e papel di horna …basha e icing mes ora riba e bolo y mesora despues pone tambe e pidanan di ginger riba dj’e. Slice bo bolo y sirb’e…


Ta smaak hopi bon cu: Vegan Vanilla Ice-Cream.


Bon Apetit!