Bolo di Citrus, Almond y Yoghurt



Preparacion y Duracion

Preparacion: 15 minuut

Cushina: 45 minuut plus pa fresca

Facil pa traha

Pa: 12 persona

Por freez e pero sin e decoracion (icing)

Enjoy this zesty citrus, almond and yogurt cake for afternoon tea. Best served warm with a cup of tea

Disfruta di e bolo aki di citrus, almond y yoghurt pa saborea atardi den sombra di e palo di amandel, cu un dushi te organico of koffie.



Nutricion pa porcion

Caloria 345

Vet 19gram

Vet Satura 9gram

Carbohidrato 37gram

Sucu 27gram

Fibra 1gram

Proteina 6gram

Salo 0.5gram


Ingredientenan :

  • 165gram di manteca, plus extra pa e panchi di horna

  • 200gram di "golden caster sugar", plus 2 cuchara grandi apart

  • 150gram di hariña cu baking powder inclui "self-raising flour"

  • 100gram almonds mula

  • 3 webo mediano

  • 75gram yogurt natural, plus 2 cuchara apart

  • 1 lamunchi grandi sea berde of geel

  • 1 apelsina

  • 100gram sucu special pa decora "icing sugar"

  • 15gram almonds toasted y geslice "toasted flaked almonds"


Metodo

Paso 1

Dirti e manteca den un panchi chikito.

Kit’e for di candela y lag’e fria un rato.

Mientrastanto, pone e papel special pa horna den un panchi di horna di 23 cm.

Keinta e forno na 180C/160C fan/gas 4.


Paso 2

Pone e 200gram di e “caster sugar”, e hariña y e almondnan mula den un baki grandi rondo y mezcla tur cos bon. Klop e webonan e 75 gram di yoghurt den e Manteca cu a fria caba, despues benta tur esaki den e baki rondo cu e ingredientenan seco.

Primi e lamunchi y e apelsina den e baki rondo. Drei tur esaki cu un spatula te ora cu no tin ningun rastro di e hariña, despues cu e spatula basha esaki den e panchi di horna y pon’e riba e rekki mey mey den e forno pa 40 minuut.


PASO 3

Corta un par di slice di e lamunchi y appelsina cu a primi caba, y sigui primi loke tin ainda den e lamunchi y appelsina den e panchi riba candela (bo tin mester di 6 cuchara grandi en total)

Agrega e 2 cuchara grandinan di “caster sugar” y e slice nan di fruta den e panchi.

Lag’e herbe te boil y despues baha e candela un tiki y sigui herbe pa 5 pa 10 min. of te ora cu e juice a bira un siroop fini y e slicenan di fruta a bira moli.

Lag’e fria.

Saca for di e panchi e slicenan di fruta y pone nan riba un pida papel y laga nan un rato pa nan seca.

PASO 4

Hinca un palito di sate mey mey di e bolo pa check si e ta cla y cu e ta seco; si e palito di sate sali muha y cu mansa na dje, kiermen cu ainda e no ta cla di horna. Lag’e den forno pa 5 pa 10 minuut mas.

Lag’e bolo fria den e panchi di horna pa 5 minuut

Despues cu un cuchara , basha e siroop di citrus riba e bolo.

Lag’e fria pa 10 minuut mas, despues sak’e for di e panchi y pon’e riba un tayo of un plataforma di bolo.

Pa Freez e bolo: Lag’e fria completamente pero SIN e decoracion di Icing ! Lora e bolo den foil prome y despues hink’e den un zip lock special pa freezer.

E por keda den freezer pa 3 luna.

PASO 5

Mezcla e 2 telep di yoghurt cu e “icing sugar” pa e icing bira diki. Basha e icing riba e bolo , y cu e lomba di un cuchara keda habri e icing bay afo riba e bolo.

E icing mester basha na e rand bini abao rond di e bolo.

Benta e almondnan geslice riba e icing y decora e bolo cu e slicenan di appelsina.

Sirbi e bolo cayente of lag’e fria completamente.

Por keda p 5 dia largo den un bleki of baki di plastic bon tapa cu su tapadera.

Ta combina bon cu:

  • Bebida di Lamunchi of Lime

  • Koffie

  • Te organico

  • Cupcakes di chuculati

Bon Apetit!