E bolo aki di fin di aña ta mas liviano cu e bolonan tradicional yena cu hopi fruta, y e ta duna bo e oportunidad di décor’e na bo style.
Preparacion y tempo pa cushin’e:
Preparacion: 30 minuut
Pa cushina: 1 ora y 25 minuut
Ta sirbi: 12
Facil
Por freez e Despues
Nutricion: pa porcion:
caloria: 486
vet: 27 gram
satura: 12 gram
carbohidrato: 56 gram
sucu: 43 gram
fibra: 3gram
proteina: 7gram
salo: 0.53gram
Ingredientenan:
140 gram di rasenchi geel of oro yama “golden sultana”
4 cuchara chikito di sherry of awa
250 gram Manteca, plus extra pa zeta e panchi di horna
250 gram di sucu bruin liviano
1 cuchara chikito di extracto di vanilla
3 webo large (grandi) geklop
200 gram di hariña liviano (sefta)
1 cuchara chikito di baking powder
100 gram almond machica
50 gram di Almond toasted gesliced
140 gram di apricot seco y corta chikito (por uza tambe e fruta di bo preferencia)
40 gram mezcla di casca di lamunchi y apelsina seco/cristaliza
juice di 1 lamunchi
juice 1 apelsina
Metodo
PASO 1
Mezcla e rasenchinan cu e sherry (of awa) y pone un banda pa e soak pa 1 ora.
PASO 2
Keinta e forno 160C/140C fan/gas 3. Zeta un panchi di horna bolo di 23cm hundo cu su bom cu por los , pone den e base y den e bandanan dobel papel di horna (waxpaper special) y cu ta sali afo mas of menos 2.5 cm riba e panchi di horna bolo.
Den e comchi/bowl mas grandi cu bo tin, klop e manteca, sucu y vanilla hunto te ora cu e masa bira liviano y di color medio cla.
Klop e webonan aden un pa un.
PASO 3
Drei aden e hariña e baking powder, e almondnan machica y gesliced.
Despues agrega e rasenchinan muha cu e resto di sherry (of awa).
Despues agrega e apricotnan seco, e mezcla di e casca y frutanan seco.
Agrega tambe e juicenan di lamunchi y apelsina.
Basha full e masa den e panchi di horna bolo.
PASO 4
Horna e bolo riba e reki mey mey den e forno pa 1 ora y 25 minuut.
Hinca un palo di sate den dje pa wak si e ta completamente cla.
Si e palito sali bek c’un tiki bolo pega na dje, esey kiermen cu ainda falta p’e cushina pa 10 minuut mas. Despues bolbe check e .
Ora e ta cla, sak’e y pon’e riba un reki di hero pa e ventila bon y fria.
Lora den papel seco sin vet y foil rond di dje , e bolo aki ta wanta pa1 luna sigur.
Ta combina bon cu:
Hershey’s Caramel of Chocolate.
cu un dushi koffie Capuccino.
of A La Mode cu Ice-cream di Vanilla of Pistachio.
コメント