Si pa un of otro motibo un persona a dicidi di bira Vegano of Vegetariano; e bolo di appel aki sigur lo cay na smaak.
Pa e personanan cu ta intolerante pa lactose (productonan di lechi / NON Dairy) e receta aki ta un bon escogencia.
Tin biaha e miho opcion pa sigui un dieta saludabel ta ser Vegano of Vegetariano cu un dosis normal of minimal di cos dushi y sucu. Esaki ta nifica cu nos paladar lo custumbra poco poco cu e sabor ta diferente, pero saludabel y cu e ta bale la pena.
Pesey awe nos ta presenta e receta aki.
Nos ta spera cu e bolo di appel cu almond lo ta un delicia pa bay compaña cu un dushi te of koffie atardi parib’i cas.
Preparacion y tempo pa cushin’e:
Preparacion: 20 minuut
Cushina: 1 ora y 20 minuut
Facil
Pa 8 persona
Dairy-free - sin productonan di lechi of deriva di lechi
Egg-free – sin webo
Vegano
Vegetariano
Nutricion pa porcion:
caloria 445
vet 16gram
Vet saturata 4gram
carbohidrato 67gram
sucu 30gram
fibra 3gram
proteina 6gram
salo 1.15gram
Ingredientenan
150gram di Manteca sin lechi (dairy-free) gesmelt, plus extra pa hunta den e panchi
300ml lechi di oats (oat milk)
1 cuchara grandi di juice di lamunchi
350gram di hariña cu elevadura inclui, plus 1 cuchara grandi pa cubri e appelnan
100gram di sucu di caster
100gram di sucu bruin lite
1 cuchara chikito di baking powder
1 cuchara chikito di extracto di almond
300gram di appel pela y saca e curason di e appel (cu ta contene e simiyanan) y corta e appel na dou chikito
2 cuchara grandi di almond geschijf (flaked almonds)
Metodo
Paso 1
Hunta e manteca gesmelt den e panchi di horna di 20 cm hundo, y despues pone e papel di horna rond den full e panchi
Keinta e forno na 180C/160C fan/gas 4.
Basha e lechi di oat den un baki y agrega e juice di lamunchi y lag’e para pa 5 minuut na temperatura normal.
Paso 2
Pone e hariña, hunto cu e sucu y e baking powder den un bowl grandi.
Awor basha tur e contenido y e extracto di almond, riba e mezcla di e lechi oat cu e bira diki.
Agrega awor e Manteca y ½ cuchara chikito di salo.
Por uza un handmixer of un klopper electrico.
Pone e appelnan na dao corta den un otro bowl grandi , strooi e extra cuchara grandi di e hariña riba dje y drei tur hunto pa e hariña cubri tur cos.
Basha e appelnan den e mezcla di e bolo, uzando un spatula.
Despues saca full e mezcla aki y bash’e den e panchi di horna.
Strooi e almondnan geslice riba dje.
Paso 3
Hinca bo panchi di horna den forno pa 1 ora /1 ora 20 min, of te ora e colo ta medio bruin oro y cu e ta firme ora mishi cune.
Lag’e fria pa un par di minuut den e panchi mes.
Sirbi’e medio cayente of lag’e fria completamente, manera bo ta desea.
Unabes e bolo a fria, por pon’e den un container bon cera y e ta wanta pa 3 dia largo.
Ta combina bon cu:
Ice-cream Vegano di Vanilla (apple pie ala mode)