Batata gerooster cu por freez adelanta
Spaar tempo valioso ora di planea cuminda pa un grupo di persona.
Freez bo batatanan gerooster adelanta.
E receta aki ta special pa dianan di fiesta of pa un gran fiesta cu bo kier organiza. Ora cu tin un menu amplio y hopi cuminda, no tin mucho tempo pa prepara appetizers, cuminda y desertnan pa e mesun dia. E receta aki ta perfecto como un opcion,pa por ser gefreez pa yuda alivia e stress di no tin hopi tempo pa prepara tanto cuminda.
Preparacion y cuanto ta dura pa trah’e
Preparacion: 15 minuut
Pa cushin’e: 1 ora y 20 minuut
Pa: 8 persona
E ta facil pa traha y pa freez
Nutricion: pa porcion
caloria 417
vet 20 gram
Vet satura 6 gram
carbohidrato 55 gram
sucu 2 gram
fibra 4 gram
proteina 6 gram
Abao den salo 0.05 gram
Ingredientenan
2.5 kg of 5 lb di batata Maris Piper, red-skinned of King Edward pela e batatanan
1 cuchara grandi di hariña regular
140 gram vet di pato ( duck or goose fat)
2 cuchara grandi di zeta di Girasol/Zonnebloem (sunflower oil)
Metodo
PASO 1
Laga e batatanan chikito y mediano hente, pero corta e grandinan den mita.
Pone e batatanan den un weya grandi cu awa frieu cu salo aden y herbe esaki pa 6 minuut exactamente.
Ora saca nan pone nan den un sefta y laga nan scuri pa un par di minuut.
PASO 2
Pasa e batatanan pa un baki grandi.
Sefta e hariña, salo na smaak y un tiki peper y bruha esaki bon pa tur cos combina bon.
Den un cuchara grandi basha e 100 gram di vet riba e batatanan.
Despues pone e papel di horna den bom di e plancha di horna y coordina tur e batatanan riba dj’e.
Despues pone den freezer.
Asina cu e batata nan ta gefreez, pasa nan over den un ziplock di freezer, asina nan no ta seca demasiado y den e ziplock esaki ta ocupa menos lugar den e freezer.
Por wordo gefreez te cu 3 luna largo.
PASO 3
Ora e dia yega pa sirbi bo batatanan gerooster.
Keinta e forno na 200C/180C fan/gas 6.
Basha e vet y e zeta den e plancha di horna y pon’e den forno.
Ora cu bo ta wak cu e zeta a cuminsa hasa den e plancha,
Saca e plancha y coordina tur e batatanan den dj’e y bolbe pon’e den forno pa 25 minuut.
Despues saca e plancha y bira e batatanan pa nan rooster bon.
Awor lanta e forna na: 220C/200C fan/gas 7
Hinca bo plancha bek den forno pa 40 minuut mas; te ora e batatanan ta di un color bruin oro y crispy.
Ta combina bon cu:
Carni vegetal gegrill cu berdura gesteam y cranberry sauce
Mushroom Portobello yena cu berdura gesteam
Carni vegetal stoba cu celder, promenton, tomati y banana hasa
Turkey cu cranberry sauce
Comments