Bami Vegetariano cu Beefslice

Vegetarian Delight

Seroe Blanco # 275

Na unda ta bende tur productonan vegetariano

Ta ofrece e receta di awe:

Bami Vegetariano cu Beefslice

Pronto tambe ta bay tin e siguiente recetanan con pa cushina:

Carni mula vegetariano

Carni stoba vegetariano

Carni vegetal seco

Salada di Batata

Sopi di Spinazie

Sopi di Pampuna

Salada di Tuna vegetariano cu Pasta

Fried Rice Vegetariano

Pepper Steak Vegetariano

Sea cu bo ta Vegetariano of no e plato delicioso aki ta perfecto pa cualkier reunion of fiesta na cas. Bami sigur ta gusta pa un y tur. Bo por sirbi’e cu bo berduranan favorito.

Ingredientenan:

Bami na paki
Promenton
Wortel
Kool Chines (Chinese cabbage)
Sambal Oelek
Ketjap Manis
Lite Soy Sauce
Black Pepper
Coriander
Webo

Con pa cushin’e:

Paso 1

Pone e Bami herbe den weya, sigui instruccion cu tin riba e paki di Bami
Dependiendo pa cuanto persona bo ta pone 2 roll di Bami pa cada hende.
Den e awa pone un of dos cuchara di Olive Oil, of un tiki mas, depende cuanto bo lo bay traha, e azeta ta evita cu e Bami ta pega na otro

Paso 2

Uza Beefslice pa mix cu e Bami (Carni Vegetal seco di Soya)
Tin otro opcionnan di carni vegetal tambe manera Galiña Boneless of cualquier otro tipo di carni vegetal di bo gusto. Tin un variedad grandi.
Si ta pa dos of tres hende, mitar paki di Beefslice ta suficiente.

Dependiendo cuanto persona bo ta agrega mas beefslice of di e carni vegetal cu abo a escoge.

Pone e Beefslice den un poco awa den un baki di plastic of di glas y warda pa e bira moli (mas of menos 5 Minuut)
Basha e awa afo y primi e Beefslice pa saca e awa di mas for di dje.
Basha e awa aki afo.
Despues corta cada Beefslice den tres parti. ( e beefslice ta hincha y bira grandi)

Paso 3

Pone riba stoof y keinta bo wok pero si bo no tin un wok un panchi plat hancho tambe lo sirbi.
Bati 3 of 4 webo y bash’e den e panchi pa e hasa plat y fini.
Purba di draai e panchi rond pa e webo cubri full paden di e panchi.
Cu un spatula bira e webo otrobanda ; e ta manera un pancake fini grandi.
Sac’e y pone riba un tayo.
Lag’e fria , dobl’e varios biaha y corta esaki na repi, no mucho largo
Pon’e un banda

Paso 4

Por fabor tene na cuenta cu si ta pa mas hende . mester pone mas berdura!

Y kisas un tiki mas condimento.... na smaak.

BERDURANAN

Promenton: Corta e promenton berde of cora na repi (1 of 2 Promenton)
Pela dos wortel y raspanan of cumpra esun corta caba na dao.
Chinese Cabbage corta esaki na repi mesun tamaño cu e promenton
Pone Promenton y Chinese Cabbage hasa den panchi cu un poco margarina Vegetal of zeta di oleifi (olive oil) manera ta desea.

Paso 5

Despues di 5 minuut pone e repinan di Beefslice hasa of stir fry cu e berduranan
Tira dos cuchara di Ketjap Manis
Coriander na smaak
Un cuchara chikito di Sambal Oelek (opcional of e pica di bo preferencia)
Un cuchara chikito di Mushroom Seasoning seco (Vegetarian Delight)
Of un cuchara chikito di Mushroom Sauce di boter (Vegetarian Delight)
Mezcla nan mientras cu nan ta hasa

Paso 6

Despues cu nan a caba di hasa pa 5 minuut mezcla e Beefslice (Carni Vegetal) hunto cu e berduranan y basha esaki riba e Bami, mescla esaki cu un cuchara grandi di stainless steel of di palo.