Balchi di Berehein
of Aubergine polpettine
Dushi como pasaboca pero tambe banda di cuminda, cu salada, of den pan manera bo ta desea!
Por trah’e den diferente tamaño, rondo; manera style di bitterbal of kroket of oval y plat manera pattie. E ta keda dushi y crunchie.
Por sirbi’e cu saus di tomati como dip.
Por trah’e tambe cu spaghetti of mas grandi como hamburger
Enfin…e posibilidadnan ta grandi…Uza bo imaginacion!
Preparacion y tempo pa cushin’e:
Preparacion: 40 minuut
Pa cushin’e: 30 minuut
Basicamente pa 6 persona pero por ahusta pa mas persona
Vegetariano
Nutricion pa porcion:
caloria 448
vet 23 gram
Vet saturata 2 gram
carbohidrato 39 gram
sucu 18 gram
fibra 6 gram
proteina 19 gram
salo 0.6 gram
Ingredientenan
125 gram di rasenchi, den un comchi cu awa despues scuri nan
2 Berehein grandi (por reemplasanan pa 4 chikito of 3 mediano) corta na dou
150 gram pecorino corta fini fini
Pecorino ta un keshi salo un keshi di lechi di carne tambe por uza keshi Pharmesan of keshi Vegetariano
100g pine nuts , toasted
300 gram pan blanco bon getoast corta na dou, por prepara hopi si en caso tin mester di mas, pero e resto bo por machica nan fini.
3 webo mediano, un tiki geklop so, pero por pone extra webo si tin mester
Hariña pa uza pa strooi
Zeta di Olijfi (Olive oil) of zeta di vegetable pa hasa
Metodo
PASO 1
Basha awa cayente riba e rasenchinan den e comchi y pone esaki un banda.
Pone e Bereheinnan den un panchi y tapanan cu awa herbi/cayente.
Hereb nan pa 10 minuut.
Despues scuri nan y laga nan fria.
Tuma e Bereheinnan den bo man y primi saca tur e awa di mas for di dje.
Pone e pulponan di Berehein den un comchi grandi.
Scuri e rasenchinan y agrega e keshi cu e nootnan y 200 gram di e pan getoast corta na dou y mita di e mezcla di webonan geklop.
Mezcla tur cos hunto y pone bon condiment y especienan (Berehein tin mester di bon seasoning)
E mezcla aki no mester ta ni demasiado duro ni demasiado moli.
Mester por forma balanan un tiki mas chikito cu un bala di Ping Pong, pero cu no ta habri for di otro.
Por agrega mas webo y tambe pan na dou getoast pa haya e mezcla perfecto cu ta keda un bala rondo.
PASO 2
Lora cada balchi den hariña , despues pone nan riba un plancha di forno.
Tap’e cu e cellophaan transparente, te ora cu bo ta bai hasa, of airfry nan.
Ora bo ta cla pa sirbi nan, dip cada balchi den webo, y despues den e pan getoast fini machica/breadcrumbs/paneermeel of den e webo…dependiendo cuanto bo a uza ora cu bo a traha e balchi nan.
PASO 3
Yena un weya mita yen, cu zeta pa hasa, suficiente pa por hinca e grandura di e balchi aden y cu nan ta keda net bao di e zeta pa nan hasa bon
of awendia tambe bo por uza bo AirFry.
Cende e candela di stoof.
E azeta mester ta hopi cayente, pero no mag lag’e huma.
E ora cuminsa hasa e balchinan te ora nan color ta medio bruin oro full rond.
Esaki ta tuma mas of menos 7 minuut.
Pasa e balchinan riba un tayo c’un handtowel pa absorba e zeta dimas for di nan.
Despues di un rato pasa nan over riba un otro tayo of scalchi.
Sirbi inmediatamente.
Ta combina bon cu:
Saus di Tomati
Salada di lechuga y tomato of cualkier salada di bo gusto
Comments