Aruba ta cai venci contra Saint Kitts and Nevis 3-2


Oranjestad - Saint Kitts and Nevis a haci nan mes e faboritonan pa cualifica y avansa for di Grupo B den Liga C ora cu nan ta gana Aruba 3-2 diahuebs anochi na Willemstad.


Den solamente di 6 minuut di e partido, Kimaree Rogers ta manda un cruse den area penal cu Carlos Bertie ta controla cu su pecho y ta tira den gol pa duna Saint kitts and Nevis e ventaha 1-0.

Omari Sterling ta haci e partido 2-0 na fabor di 'The Sugar Boyz' den di 32 minuut cu un tremendo tiro liber, e tiro tabata un bunita 'knuckle-shot'. Den di 45 minuut, Sterling a purba un otro tiro liber cu e ta curvia bunita asina, pero e tiro ta dal den palo di gol.


Den segundo mitar, Aruba ta ricibi un penalty cu medio-campista Gregor Breinburg ta anota bunita den banda di net pa corta e ventaha na 2-1. Despues di un 25 minuut nervioso pa Saint Kitts and Nevis, nan ta tuma control bek den di 83 minuut ora cu Vinceroy Nelson ta uza su poder pa tumba defensa di Aruba abou pa asina anota e 1 contra 1 y duna Saint Kitts and Nevis nan liderazgo bek di 2 gol, 3-1. Den di 93+ minuut Aruba ta hunga futbol directo y manda un bala largo den area penal, cu Ricky Marte ta controla y anota. Aruba ta sigui ta lider den Grupo B, pero Saint Kitts and Nevis awor ta solamente 1 punto tras di Aruba, cu dos partido pa hunga ainda contra Saint Martin.


Check out e highlights akinan: