1. Lanta bo yiu den un ambiente safe y amoroso
Un bario y un cas cu tin un ambiente safe y amoroso ta stimula un mucha desaroya na un manera sano. Si tin actividad atractivo unda e yiu ta biba pa explora y desaroya su mes, e no ta ferfela lihe y tin menos chens pa e pidi atencion negativo y comporta su mes malo.
2. Apoyo positivo, guia y pasa tempo hunto
E mayor ta stimula e independencia di e yiu pa medio di compliment y apoyo positivo, ta motiv'e pa siña cosnan nobo, ta duna sosten pa surpasa dificultadnan y ta percura pa pasa suficiente tempo hunto.
3. Sea realistico
E mayor mester tin expectativa realistico di su yiu riba tur area di desaroyo y cu ta pas na e edad di e yiu.
4. Nos ta cla pa yuda bo!
Un yiu ta desaroya su mes miho den un ambiente unda mayor conscientemente ta pone reglanan fiho, duna splicacion na un manera cla, ta reacciona adecuadamente, responsabel y positivo ora e yiu ta mustra comportacion no desea. Disciplina positivo.
5. Cuida bo mes
E mayor su salud fisico, con e ta sinti su mes emocional y socialmente y su situacion financiero tin hopi influencia riba con e lo reacciona riba comportacion di su yiu; cada mucha ta unico y ta desaroya su mes den su mesun tempo. E mayor mester tin expectativa realistico di su mes y di e otro mayor. Hopi importante ta pa crea un balansa entre trabou, famia y tempo pa bo mes. Tambe ta necesario pa tene un bon relacion cu e otro mayor.
6. Busca sosten y ayudo
Lanta un yiu semper ta un reto. Tur mayor tin e miho intencion den lantamento di su yiu.
E por pidi sosten, conseho y yudansa na miembro di famia, bishita, colega, hende di misa, lider di creche y otro profesional.
Tienda di Educacion: 161
Fundacion pa Nos Muchanan: 588-0856