Relacion saludabel ta aumenta felicidad, mehora salud fisico y reduci stress, estudionan ta comproba esaki. Esaki ta conta pa relacion di Pareha, Famia, Amistad y Colega di trabao.
Sea Realistico; ningun hende por ta tur cos cu bo kier pa nan ta, nos mester acepta hende manera cu nan ta y no purba di cambia otro pero interactua cu otro cu cortecia cu tolerancia pa diferencianan.
Comunicacion; tuma tempo pa comunica cu otro riba asuntonan, tuma tempo pa scucha otro, sea interesa y duna balor na otro su puntonan, haci preguntanan si mester, comparti informacion, no exagera na momento di duna bo informacion, sea modera y comprensivo.
Sea flexible; ta natural cu un hende ta sinti incomodo cu cambio, permiti bo mes pa compronde un cambio y crece cu e cambio.
Sea honesto y cu hende por depende di bo; si bo traha plan cu un persona cumpli cu bo parti. Si algo ta bay strobabo pa cumpli, avisa na tempo.
Espacio; bon relacion mester ta algo mutuo, cada ken mester tin nan espacio pa nan propio necesidad. Den pareha especialmente, e hende muhe mester tin su espacio y momento pa su mes y mescos ta conta pa e hende homber.
Comments