Stima otro respetuosamente como persona y no como obheto, cada hende ta un Espiritu diferente pasando su experiencia di bida den un curpa Humano (fisico) na mundo, tur hende no por ta mesun cos.
No para duro riba puntonan di desacuerdo entre boso, mas bien haci di e diferencianan oportunidad pa scucha otro sincero y acepta influencia di otro. Asina por uni idea y opinion di otro pa hunto haya solucion pa tur cos (repair and exit any argument).
Inclui humor den relacion, no tuma tur cos asina serio, sea flexibel pa tolera otro su diferencianan.
Usa palabranan bunita, creativo y positivo pa papia cu otro, evita palabranan mahos y negativo.
Enves di hopi biaha recuri na sali y bebe alcohol entre pareha, pensa pa haci un cambio y sali pa come y bebe algo saludabel y despues wak un pelicula. Tambe por traha snack na cas of treat otro un dushi desert manera; Cheese Cake of Chocolate Mousse Cake.