Invita bo pareha pa sali bay come na e restaurant preferi di boso dos.
Brasa bo pareha na cas y bise cuanto bo ta stim’e pa tur loke e ta significa den bo bida, gestonan chikito di gratitud y cariño tin balor grandi.
Hende homber haci un cambio, evita sali diabierna atardi cu amigonan, especialmente evita yega cas burachi, bo casa y yiunan lo sinti hopi contento. Pa un cambio yega cas trempan si bo tin yiu pa hunga cu ne, si e famia ta desea invita nan pa sali keiro y come algo.
Sorprende bo pareha, puntr’e kiko e mester pa bo haci na cas p’e cu ta pendiente.
Sali bay cana hunto na un di e partinan di Aruba cu tin area pa cana sea den ora di atardi of mainta.
Sali hunto bay mira pelicula.
Diadomingo anochi lo tin Show di Izaline Calister den cas di Cucltura, probecha tene man di otro y bay mira e obra.
Cabayero cumpra un bouquet di flor pa bo pareha y trec’e cas, pone den un vaas den sala of den camber, e ta haci cas alegre.
Sali hunto cu bo pareha y amigonan bay hunga bowling.
Bay beach hunto pa landa y haci un picnic entre boso dos band’ lama, corda hiba un macuto cu boso frutanan y sandwich, un mat of stoel pa pone ariba e bunita santo blanco di nos lama, mester corda si cu no ta permiti cushina ni BBQ riba nos beachnan, corda tene Aruba y nos beachnan limpi!