10 Tips pa spaar gasolin

Updated: Jun 17


1. Primi e pedal di gasolin of trot mas suavemente - Mas duro bo motor ta traha, mas gasolin e ta chupa pa e core, mas e motor traha, mas gasolin e tin mester. Ademas ora cu core riba un speed halto, y ora cu mester brake diripiente tambe ta gasta gasolin. Ora maneha suavemente bo ta spaar: 0.23 pa 0.46 cen pa galon

2. Core cu un distancia leu di e auto bo dilanti y mantene e distancia constante.

3. Evita di para bo auto lag’e keda idle pa un tempo largo - Si bo auto ta staciona pa mas di 10 seconde, considera pa paga e motor di auto pa spaar gasolin. Idling por costa bo hasta te cu mita galon di gasolin pa ora, segun e tamaño di motor y e uzo di airco.

4. Evita mas cu por, di core auto den trafico pega, ora cu bo sa cu ta druk, evita di ta riba caminda.

5. Elimina tur peso di mas for di bo auto - Elimina 100 liber adicional cu ta warda den bo vehiculo lo mehora e miyanan pa galon cu aproximadamente un 1%, segun e porcentahe di peso adicional den relacion cu e peso di bo vehiculo. Peso di mas di herment, cement, bleki, botter, santo, bicicleta y otro articulonan lo costa bo sigur un 6% mas di gasolin, loke kiermen cu e motor di bo auto mester traha mas duro pa e mantene su velocidad.

6. Cuida y service e motor di bo auto regularmente - E gastonan a corto plazo di mantenemento adecua di bo vehiculo ta mehora e rendimento di gasolin cu un promedio di 4%, aunke e resultadonan ta varia segun e funcionamento di bo auto. - Consulta e manual di bo auto, ya cu di esey ta depende di su edad y modelo, pa sa cu cuanto frecuencia mester haci servicio. Pa autonan mas nobo, ta ser recomenda pa hasi un inspeccion cada 20,000 pa 30,000 miya. Un auto/vehiculo cu no ta wordo bon manteni ta subi bo gasto di gasolin cu 5%. Por ehempel un air filter of sistema di airco sushi, of sparkpluges gasta; tur esaki lo conduci na un uzo halto di gasolin. Estimacion cu bo ta spaar : 0.13 pa galon.

7. Percura pa tire di bo auto ta yena cu aire suficiente y corectamente.

8. Uza e grado di zeta di motor recomenda - Cumpra un zeta di motor cu ta coincidi cu e specificacion y rekisitonan di e certificacion di e fabricante di bo vehiculo, y cambia su zeta di acuerdo cu e recomendacionnan di e fabricante di auto. Tambe, ora bo cumpra e zeta di motor pa bo auto, busca e palabranan "Energy Conserving" of "Conservación de energía".

9. Parkeer bo auto den sombra, asina bo ta evita cu e gasolin den e tanki ta evapora liher.

10. Escohe e pomp di gasolin cu ta mas cerca di cas - Asina bo ta spaar di core mas cu ta necesario y gasta mas gasolin.