10 TIPS PA BACK 2 SCHOOL


  1. Traha un plan cu un lista di loke mester nobo pa e aña escolar pa bo yiu. Asina bo ta evita di lubida articulonan importante. Saca potret di e lista cu bo telefoon y Sali trempan pa haci compras caminda bo ta haya e mihor deal.

  2. Palabra cu bo yiu e momento di bay drumi pa e haya un bon descanso, drumi trempan y cu un rutina regular ta bon pa salud y energia di vitalidad pa lanta mainta cu animo. Ta recomenda mucha di 3 pa 5 aña drumi 10 – 13 ora di soño, mucha di 6 pa 12 aña 9 - 12 ora di soño, hoben nan 13 pa 18 aña 8 pa 10 ora di soño.

  3. Prepara un Plan di alimentacion y un lista di kico mester cumpra pa cumpli cu e lista. Bo yiu for di scol basico te cu scol secundario y avansa mester mainta di un bon alimentacion specialmente pa cuminsa su dia; fruta manera Bacoba, Papaya, Berrys y Noot ta ideal, tambe Pan cu Webo of Papa.

  4. Papia tocante uzo di telefon, awendia ta hopi importante si bo yiu tin un telefon pa e siña, uza e telefon ora cu mester. Localmente pero tambe internacionalmente telefon a bira un distraicion grandi cu ta perhudica cualkier alumno nan atencion pa loke ta importante den nan studio.

  5. Seguridad, si bo yiu ta bay un scol pa prome biaha, sera conoci cu e vecindario. Ta bon pa e y abo mes como mayor sa di e situacion rond di scol y pa e sa unda pa acudi pa cualkier necesidad.

  6. Sera conoci cu e Maestro of Maestra di scol pa asina abo y bo yiu tin un bon comunicacion cu e Maestro. Si ta posibel sa su number di telefoon, pa ora cu tin mester aclarea cualkier situacion. Bon comunicacion ta e clave!

  7. Papia cu bo yiu tocante termento na scol, pa e no ter otro y si otro ter e, pa e raporta esaki na e Maestro of Maestra.

  8. crea un ambiente agradabel pa bo yiu bin cas y haci su tareanan di scol. Si ta posibel crea un area di studio na cas serca di bentana pa mira den cura of den su camber.

  9. Percura pa bo yiu tin un lessenaar y lachi of un cashi pa warda su bukinan di scol.

  10. Despues di su tareanan di scol planea un programa di hobby of deporte cu bo yiu. Arte, recreacion y deporte ta hopi importante pa nan desaroyo social y tambe pa nan salud fisico y mental.