10 TIPS MATANAN SIN STRESS
Ora cu bo cumpra un mata di flor, no yega sak’e di biaha di e saco of pochi cu bo a cumpr’e, lag’e den su pochi of saco pa un siman na bo cas. Ora cu bo ta cla pa bay cambi’e di pochi pone algun fertilizer den e tera cu bo ta bay plante aden.
9 SIZE DI E POCHI OF E BURACO.
Ideal ta un pochi mas hancho y un poco mas hundo, no un pochi mesun smal cu e pochi of saco cu e mata ta aden, awor un mas hundo so. Den un pochi mas hancho e mata bira mas fuerte y ta produci mas flor.
8 UNDA BO TA PLANTA E MATA; LOCACION.
Evita di pone bo matanan di flor serca di area cu ta haya polucion di trafico di caminda y tambe no pon’e den un area cu hende of animal ta cana of pasa frecuentemente.
7 SOLO
Un mata di flor mester di entre 6 pa 8 ora di solo. E solo di merdia aki na Aruba ta hopi fuerte si, purba di uza net cu ta ser uza pa greenhouse pa reduci un poco di e rayonan di solo di merdia, of pone na un sitio cu e ta haya sombra den ora di merdia.
6 AWA
Si bo ta cultiva mata di flor den pochi, mester muha e mata tur dia.
5 PEST
Controla e PEST di e matanan ta hopi importante pa nan ta bon di salud y cu nan por floria. Observa e matanan regularmente y controla bao di nan foyonan. Usando Neem Oil mescla cu awa facilmente ta elimina e pestnan, uza dos of tres biaha pa bo logra elmina e pestnan completo. Neem Oil mescla cu awa no ta afecta e mata su salud, solamente e ta core cu e pestnan. Si tira un tiki Eucalyptus oil tambe ta yuda e efectividad di bo mescla di liquido pa spray.
4 HARK E TERA DI E MATA
Hopi hende no ta haci esaki pero ta hopi importante. Cada 10 dia ta imortante pa hark e superficie di e tera rond di e troncon di bo mata di flor pasobra cu e ta bira duro, principalmente cu e solo fuerte di Aruba. Despues cu e tera mas suave despues di 3 pa 5 dia bo por aplica un poco fertilizer.
3 TERA
Tera di un mata di flor mester tin un PH di entre 6 pa 6.5 Mata di flor ta gusta un tera un poco acidico. Si bo tin un Piedra di Alum Powder bo por raspa un poco den awa y duna e mata pa asina e por absorba e nutrientenan un biaha cada 15 dia. Un cuchara di binager blanco den un liter di awa tambe ta yuda pa haci bo tera acidico.
2 FERTILIZER
Ta ser recomenda pa cada 15 dia duna e mata un poco fertilizer organico manera compost. Hark e tera promer rond di e mata y despues agrega e compost y mescla esaki cu e tera di e superficie.
1 CORTA E MATA REGULARMENTE
Corta un mata no ta crueldad, mas bien corta e mata segun temporada ta yuda e mata crea mas taki y blachi y asina por duna mas flor.
Hopi exito cu e tipsnan pa bo crea of mehora bo matanan di flor pa nan por duna mas flor y color den bo Hardin.